Cyfle i fod yn chi. 

Cyfle i gael eich grymuso. 

Cyfle i fod yn un o raddedigion Trafnidiaeth Cymru. 

Unigolyn Graddedig Rheoli Gweithrediadau Cwsmeriaid  

Lleoliad: Amwythig 

Math o gontract: Cyfnod penodol o 22 mis 

Bydd gofyn i ddeiliad y swydd weithio shifftiau dros 5 diwrnod, gan gynnwys ar ddydd Sadwrn a dydd Sul. 

Ein Cynllun Arweinwyr y Dyfodol i Raddedigion 

P’un a ydych chi’n pontio o fyd addysg neu eisiau datblygu eich sgiliau arwain, mae ein cynllun i raddedigion wedi’i lunio i’ch helpu i sbarduno eich gyrfa a gwneud gwahaniaeth go iawn yng Nghymru. 

Beth fydd fy nghyfrifoldebau? 

Bydd yr Unigolyn Graddedig Rheoli Gweithrediadau Cwsmeriaid yn cefnogi Rheolwr yr Orsaf a'r Pennaeth Gweithrediadau Cwsmeriaid drwy gyfrannu at ddatblygu a darparu ein tîm Gweithrediadau Cwsmeriaid, gan ddangos sgiliau darparu gwasanaeth i gwsmeriaid, ar yr un pryd â chynnal y safonau diogelwch uchel a ddisgwylir ar draws ein rhwydwaith. 

A oes unrhyw ofynion hanfodol? 

• Gradd mewn Rheoli Busnes, neu radd berthnasol arall.
• Y gallu i gynhyrchu adroddiadau cywir a chryno. 
• Ffocws uchel ar ragoriaeth a darpariaeth mewn gwasanaethau cwsmeriaid.
• Ymwybyddiaeth dda o bwysigrwydd diogelwch yng nghyd-destun gweithrediadau cwsmeriaid.
• Meddu ar drwydded yrru lawn ddilys.
• Dangos eich bod chi’n cyd-fynd â'n rhinweddau a'n gwerthoedd craidd i raddedigion, sydd i'w gweld isod.

Dylech gynnwys eich holl gymwysterau perthnasol, yn enwedig y rhai a restrir yn y meini prawf hanfodol a dymunol ar gyfer y swydd. Mae’n bosibl na fyddwn yn gallu ystyried eich cais fel arall. 

Yn ystod y cyfnod recriwtio ar gyfer y swydd hon, efallai y gofynnir i chi gynnal prawf dosbarthu i nodi cymwyseddau posibl yn y maes hwn. Sylwch mai dim ond rhoi gwybod i chi a allwch wneud gwaith dosbarthu fel rhan o'ch cynllun Graddedigion fydd canlyniad y prawf hwn ac ni fydd yn effeithio ar y broses ddethol.   

Sylwch, i fod yn gymwys ar gyfer ein Cynllun i Raddedigion, mae'n rhaid bod llai na 2 flynedd wedi mynd heibio ers i chi raddio pan fyddwch yn gwneud cais, neu fod wedi graddio erbyn y bydd y cynllun yn dechrau. Bydd angen i chi fod ar gael i ddechrau’r Cynllun i Raddedigion ddechrau mis Medi 2026. 

Bydd gofyn i chi gael archwiliad meddygol Diogelwch Personol ar y Cledrau i benderfynu a ydych chi'n addas ar gyfer y swydd. 

Sylwch, mae’n rhaid i chi fod â’r hawl berthnasol i weithio yn y DU os cewch eich penodi i’r swydd.  Dydyn ni ddim yn gallu darparu nawdd ar hyn o bryd. 

Sgiliau Cymraeg 

Rydyn ni’n croesawu ceisiadau gan bobl sy’n gallu siarad neu ysgrifennu yn Gymraeg, ond nid yw’n hanfodol ar gyfer y swydd hon. 

Y Camau Nesaf 

Ai dyma’r cyfle iawn i chi? Cymerwch gip ar y disgrifiad swydd sydd wedi’i atodi i gael gwybod mwy neu cysylltwch ag aelod o’n tîm Doniau Cynnar i gael sgwrs. 

Diwrnod Asesu 

Os bydd eich cais yn llwyddiannus, byddwn yn eich gwahodd chi i ddiwrnod asesu cyfeillgar a hamddenol, gyda chyfweliad terfynol i ddilyn. 

Cyfle Cyfartal 

Ddim yn siŵr a ydych chi’n bodloni pob gofyniad? Mae ymchwil yn dangos y gallai rhai pobl, gan gynnwys menywod a phobl o grwpiau lleiafrifol, oedi cyn ymgeisio oni bai eu bod yn teimlo’n gwbl gymwys. Os yw'r cyfle hwn o ddiddordeb i chi a’ch bod yn bodloni'r gofyniad hanfodol, sef bod â gradd berthnasol, rydyn ni’n eich annog i wneud cais - gallai eich sgiliau, eich profiad a'ch safbwynt unigryw chi fod yn berffaith i ni.  

Rydyn ni am i bawb deimlo eu bod yn cael eu croesawu, eu cynnwys a’u gwerthfawrogi. Mae tîm amrywiol, sy’n cynrychioli pob rhan o gymdeithas, yn ein helpu i gyflawni hyd eithaf ein gallu. Rydyn ni’n chwilio am bobl dalentog, waeth beth fo’u cefndir. 

Os oes angen unrhyw addasiadau rhesymol neu gymorth ychwanegol arnoch chi yn ystod y broses ymgeisio neu asesu, cofiwch roi gwybod i ni. Rydyn ni yma i’ch cefnogi chi ar bob cam. 

Gwybodaeth Arall 

Yn TrC, rydyn ni’n awyddus i weld eich sgiliau, eich potensial a’ch brwdfrydedd. Er ein bod yn llwyr gefnogi defnyddio deallusrwydd artiffisial fel adnodd dysgu, rydyn ni eisiau asesu ymgeiswyr ar sail eu galluoedd eu hunain. Felly, rhaid cwblhau ceisiadau heb gymorth deallusrwydd artiffisial. Os byddwn ni’n canfod cynnwys sydd wedi’i baratoi â deallusrwydd artiffisial, ni fyddwn yn gallu ystyried y cais, yn anffodus. 

Bydd yr hysbyseb hon yn cau am hanner nos ar y dyddiad cau a nodir uchod. Rydyn ni’n eich annog i gyflwyno eich cais cyn gynted â phosibl. 

Cofiwch ein bod yn cadw’r hawl i gau’r swydd wag hon yn gynnar os bydd digon o geisiadau wedi dod i law.