Cyfle Cyfartal

Mae Trafnidiaeth Cymru yn gwerthfawrogi amrywiaeth. Mae’n ein gwneud yn gryfach, yn ein helpu i ddeall ein cwsmeriaid yn well, i wneud penderfyniadau gwell a bod yn fwy arloesol. Mae pawb yn wahanol ac mae gan bawb eu safbwynt eu hunain felly rydym yn creu tîm amrywiol sy’n adlewyrchu’r cymunedau rydym yn eu gwasanaethu. Drwy hyn, rydym yn benderfynol o fod yn un o gyflogwyr mwyaf cynhwysol Cymru. Rydym yn creu rhwydwaith trafnidiaeth cynhwysol y gall pawb yng Nghymru fod yn falch ohono.

Pwy ydyn ni 

Ein cenhadaeth yn Trafnidiaeth Cymru yw trawsnewid trafnidiaeth yng Nghymru a’i gwneud yn addas ar gyfer y dyfodol, boed hynny ar gyfer rheilffyrdd, bysiau, cerdded neu feicio. Rydyn ni eisiau ysbrydoli cenedl i newid y ffordd maen nhw’n teithio, fel bod pawb yn teithio’n fwy cynaliadwy ac yn helpu i fynd i’r afael â’r argyfwng hinsawdd sy’n wynebu pawb.

Rydyn ni’n lle agored a chynhwysol i weithio, lle mae croeso i bawb a lle caiff ein pobl eu cefnogi i gyflawni eu llawn botensial. Rydyn ni am greu awyrgylch sy’n galluogi ein pobl i dyfu a llwyddo. Mae hyn yn allweddol i’n galluogi i gyflawni’r addewidion rydyn ni wedi’u gwneud i bobl Cymru er mwyn adeiladu rhwydwaith trafnidiaeth gynaliadwy sy’n diwallu eu hanghenion nhw.

Cyfrifoldebau’r swydd

1. PRIF NODWEDDION ATEBOLRWYDD Y SWYDD

• Goruchwylio’r gwaith o gynllunio, rheoli a chyflawni pob prosiect rhaglen waith drwy ddilyn prosesau cylch bywyd prosiect er mwyn sicrhau bod y tîm yn gallu darparu’n ddiogel, yn brydlon ac yn unol â’r gyllideb a’r ansawdd disgwyliedig.

• Darparu trefn lywodraethu iechyd a diogelwch drwy nodi a mapio dyletswyddau Rheoli Dyluniad Adeiladu (CDM) 2015 ar gyfer prosiectau o fewn y portffolio gwaith er mwyn cynnal cydymffurfiad.

• Rheoli’r gwaith o sefydlu llinell sylfaen gychwynnol y prosiect er mwyn gallu mesur a rheoli'n effeithiol; bydd y llinell sylfaen yn cwmpasu dogfennau'r prosiect, y prif bethau sydd i’w cyflawni, y strategaeth gyflawni, gofynion o ran adnoddau, allbynnau/mesurau, risgiau, dyddiadau allweddol a gwybodaeth am gostau.

• Pennu, cofnodi a rheoli'r holl risgiau sylweddol a allai effeithio ar y gwaith o gyflawni’r portffolio, gan weithio gyda’r Rheolwr Risg, a sicrhau bod perchennog yn cael ei neilltuo i bob risg a bod Cofnod Risgiau yn cael ei ddatblygu a’i gynnal.

• Canfod cyfleoedd yn y portffolio gwaith ac arwain y gwaith o hyrwyddo a rhannu arferion gorau rhwng rhaglenni er mwyn sicrhau’r canlyniad gorau wrth gymharu â’r gyllideb.

• Sefydlu perthnasoedd a meithrin llinellau cyfathrebu clir gyda rhanddeiliaid allanol, i sicrhau bod gofynion a disgwyliadau’n cael eu mapio a’u deall yn llawn.

Am bwy rydyn ni’n chwilio

• Profiad amlwg o weithio ar brosiectau amlddisgyblaethol, gan gynnwys rheoli cyllidebau gwerth miliynau o bunnoedd a bod yn gyfrifol am gynllunio a rhaglenni.
• Gwybodaeth a phrofiad o reoli contractau’n effeithiol.
• Profiad amlwg o reoli rhyngwynebau cymhleth gyda nifer o gontractwyr.
• Profiad y gellir ei ddangos yn y sector peirianneg sifil neu sector cyfatebol.
• Gallu i ddatblygu, arwain a sbarduno tîm, a gallu dangos hynny. 

Sgiliau Iaith Gymraeg

Byddai’r gallu i sgwrsio ac ysgrifennu yn Gymraeg yn ychwanegiad gwych at eich cais, ond nid yw’n hanfodol ar gyfer y swydd hon

Mae Trafnidiaeth Cymru yn cefnogi ac yn hybu gweithwyr i ddefnyddio’r Gymraeg, a bydd yn eu hannog i ddatblygu, gwella a chadw eu sgiliau Iaith Gymraeg. Rydym yn rhoi cefnogaeth lawn i staff sydd eisiau gwella eu sgiliau Cymraeg, ac mae datblygiad personol ar gyfer sgiliau Iaith Gymraeg yn cael ei gynnig mewn amrywiaeth o ffyrdd megis dysgu ar-lein, cyrsiau ystafell ddosbarth a chyrsiau cymunedol lleol

Y camau nesaf

A yw’r swydd hon yn swnio fel y cyfle rydych chi’n chwilio amdano? Hoffech chi gael gwybod mwy? Gweler y Disgrifiad Swydd sydd ynghlwm am ragor o fanylion.

Trafnidiaeth Cymru – yn arwain ar anableddau. Rydyn ni’n fodlon trafod unrhyw addasiadau rhesymol y bydd eu hangen arnoch yn y broses recriwtio neu fel rhan o’r swydd os byddwch chi’n llwyddiannus.

Bydd yr hysbyseb hon yn cau am hanner nos ar y diwrnod cau a nodir uchod. Rydyn ni’n eich annog i gyflwyno eich cais cyn gynted â phosibl.

* Cofiwch ein bod yn cadw’r hawl i gau’r swydd wag hon yn gynnar os daw digon o geisiadau i law.