Anogydd Cyflogadwyedd– Cymraeg yn Hanfodol

Ydych chi'n barod i ddefnyddio'ch sgiliau i ysbrydoli a chefnogi pobl wrth iddyn nhw gymryd eu camau nesaf tuag at addysg, hyfforddiant neu gyflogaeth? Ydych chi'n mwynhau helpu cwsmeriaid i fagu hyder a chymryd camau ymarferol i gyflawni eu nodau? Mae Dewis Gyrfa Cyf (CCDG), is-gwmni sy'n eiddo llwyr i Lywodraeth Cymru, yn chwilio am Anogydd Cyflogadwyedd ymuno â’n tîm – unigolyn a fydd yn ymrwymedig i gefnogi pobl i gyrraedd eu nodau gyrfa. Rydyn ni’n darparu cyfarwyddyd gyrfa hanfodol, annibynnol, diduedd a dwyieithog i bobl o bob oed ledled Cymru, gan gynnwys trwy raglen Cymru’n Gweithio.

Gwybodaeth allweddol

• Lleoliad: Canolfan Gyrfaoedd Wrecsam. O bryd i'w gilydd efallai y bydd yn ofynnol i ddeiliad y swydd weithio yng Nghanolfan Gyrfaoedd Queensferry yn Sir y Fflint.
• Cyflog: £26,276–£28,256, yn dechrau ar £26,276.
• Oriau: Amser llawn, 37 awr yr wythnos, dydd Llun i ddydd Gwener.
• Sgiliau Cymraeg: Hanfodol. Rhaid i ymgeiswyr fod â sgiliau Cymraeg lefel ganolradd o leiaf.
• Dyddiad cau: Dylid cyflwyno ceisiadau wedi'u cwblhau erbyn 18/10/2026.
• Proses ddethol: Bydd asesiadau a chyfweliadau yn cael eu cynnal yn ddigidol trwy Microsoft Teams. Cynhelir asesiadau ar 02/11/2026 a chyfweliadau ar 03/11/2026.

Yr hyn rydyn ni'n ei gynnig

Rydyn ni’n cynnig pecyn buddion deniadol, gan gynnwys amser gweithio hyblyg, 31 diwrnod o wyliau blynyddol, cynllun pensiwn cyfrannol a chynllun arian yn ôl sy'n gysylltiedig ag iechyd.

Ynglŷn â'r rôl

Yn y rôl hon, byddwch yn gweithio gyda grŵp cleientiaid amrywiol, gan gynnwys pobl ifanc sy'n chwilio am gyfleoedd newydd neu sy'n gadael addysg, rhieni, oedolion sy'n ddi-waith ac sy'n chwilio am gymorth i fynd yn ôl i’r gwaith, a phobl mewn cyflogaeth sy'n ystyried newid gyrfa. Rydyn ni’n chwilio am gyfathrebwr hyblyg ac effeithiol sy'n hyderus yn cefnogi ein sylfaen cwsmeriaid amrywiol yn y cnawd a thrwy sianeli digidol.

.

Fel Anogwr Cyflogadwyedd, byddwch yn:

• cefnogi ac ysbrydoli cleientiaid i nodi nodau gyrfa cadarnhaol a gweithio tuag atyn nhw;
• darparu gwybodaeth a chyngor clir i helpu cleientiaid i reoli eu gyrfaoedd;
• darparu cymorth cyflogadwyedd, gan gynnwys help gyda CV, chwilio am swyddi a cheisiadau;
• helpu cleientiaid i symud tuag at ganlyniadau cadarnhaol parhaus, gan gynnwys addysg, hyfforddiant neu gyflogaeth.

Dylech fod ag addysg i safon Lefel 3 neu gyfwerth, yn ddelfrydol mewn maes cysylltiedig fel cyngor a chyfarwyddyd, neu fod â phrofiad o weithio ar y lefel hon. Os nad ydych chi eisoes yn meddu ar y Diploma Lefel 4 mewn Gwybodaeth a Chyngor Gyrfaoedd, byddwn yn darparu'r hyfforddiant a'r gefnogaeth sydd eu hangen i gyflawni'r cymhwyster gwerthfawr hwn.

Sgiliau Cymraeg – lefel ganolradd

Byddwch yn gallu deall a chyfathrebu'n glir ar bynciau bob dydd a gwaith, cynnal sgyrsiau, ac esbonio syniadau, profiadau a chynlluniau yn hyderus. Dylech hefyd allu darllen cyfathrebiadau gwaith syml ac ysgrifennu negeseuon e-bost neu lythyrau clir, wedi'u strwythuro'n dda, er mwyn rhannu gwybodaeth, gwneud ceisiadau neu drefnu gweithgareddau.

Gofynion ychwanegol

Bydd gofyn i'r ymgeisydd llwyddiannus gwblhau gwiriad Datgeliad Sylfaenol trwy'r Gwasanaeth Datgelu a Gwahardd.

Ein hymrwymiad i gynhwysiant

Rydyn ni fel cenedl yn ffynnu pan fyddwn ni’n hyrwyddo amrywiaeth a chynhwysiant. Mae sefydliadau sydd â gweithlu amrywiol yn gwneud penderfyniadau gwell, yn fwy creadigol, yn gryfach, yn hapusach ar y cyfan, ac wrth gwrs - dyma'r peth iawn i'w wneud!

Rydyn ni’n croesawu ceisiadau gan bobl o bob cefndir ac yn ceisio gwneud ein prosesau recriwtio a'n gweithle yn gefnogol ac yn hygyrch. Mae ein dull yn cael ei lywio gan y model cymdeithasol o anabledd, sy'n cydnabod y gall pobl fod yn anabl oherwydd y ffordd y mae cymdeithas, gweithleoedd, systemau ac agweddau wedi'u cynllunio – ac nid oherwydd eu hamhariad neu wahaniaeth nhw.

Rhowch wybod i ni os oes angen unrhyw addasiadau rhesymol arnoch chi yn ystod y recriwtio neu ar ôl eich penodi. Byddwn yn gweithio gyda chi i ddeall eich anghenion, ac mae gwybodaeth recriwtio ar gael mewn fformatau amgen ar gais.

Croesewir ceisiadau yn Gymraeg neu Saesneg. Ni fydd cais a wneir yn Gymraeg yn cael ei drin yn llai ffafriol na chais a wneir yn Saesneg.

Sut i wneud cais

Dewiswch "Ceisio Nawr" i gael eich ailgyfeirio i wefan recriwtio Gyrfa Cymru, lle gallwch geisio a chael rhagor o wybodaeth am y rôl, ein polisïau cyflogaeth a'n telerau ac amodau.

Noder nad ydym yn derbyn ceisiadau ar ffurf CV.