Yn atebol i’r canlynol: Uwch-swyddog Cyllid 

Diben cyffredinol y swydd:  

Darparu cymorth gweinyddol i’r Tîm Cyllid drwy sicrhau bod anfonebau cyflenwyr yn cael eu prosesu’n gywir ac yn effeithlon; cynorthwyo gyda thaliadau cyflenwyr; a chynnal cofnodion cywir yn y cyfriflyfr prynu, gan sicrhau ar yr un pryd bod gwasanaeth cwsmer ardderchog yn cael ei ddarparu i randdeiliaid mewnol ac allanol.

Cyfrifoldebau Allweddol – 

Cyllid:

• Darparu cymorth gweinyddol i’r swyddogaeth Cyfrifon Taladwy er mwyn sicrhau bod anfonebau’n cael eu prosesu’n gywir ac yn unol â’r amserlenni a gytunwyd.
• Derbyn, sganio a phrosesu anfonebau cyflenwyr a nodiadau credyd ar y system rheolaeth ariannol.
• Paru anfonebau ag archebion prynu a dogfennau atodol, gan gyfeirio unrhyw anghysondebau at yr Uwch-swyddog Cyllid os yn briodol.
• Codio anfonebau’n unol â’r gweithdrefnau a sefydlwyd.
• Ymateb i ymholiadau arferol gan gyflenwyr a gan gydweithwyr mewnol dros y ffôn a thrwy ebost, gan uwchgyfeirio materion mwy cymhleth os oes angen.
• Cynorthwyo i baratoi cysoniadau’n ymwneud â chyfriflenni cyflenwyr ac adnabod unrhyw eitemau sydd heb eu talu.
• Cynorthwyo i baratoi rhediad o daliadau cyflenwyr er mwyn i’r Uwch-swyddog Cyllid eu hadolygu a’u hawdurdodi.
• Cynnal cofnodion cywir am gyflenwyr a diweddaru gwybodaeth am gyflenwyr gan ddilyn gweithdrefnau a gymeradwywyd.
• Sicrhau bod cofnodion ariannol yn cael eu cynnal yn gywir gan barchu cyfrinachedd.
• Cydymffurfio â Rheoliadau Ariannol, polisïau a gweithdrefnau’r Grŵp bob amser.
• Cynorthwyo gyda gweithgareddau’r cyfriflyfr prynu ar ddiwedd y mis, yn unol â’r cyfarwyddyd a geir.
• Cynorthwyo gyda cheisiadau’n ymwneud ag archwilio, drwy ddarparu dogfennau a gwybodaeth pan fo angen.
• Cyflawni dyletswyddau gweinyddol cyffredinol yn ymwneud â chyllid er mwyn cynorthwyo’r Tîm Cyllid.