Pwrpas y swydd: AGC yw rheoleiddiwr annibynnol gofal cymdeithasol a gofal plant.  Mae AGC yn cofrestru, yn arolygu ac yn gweithredu i wella ansawdd a diogelwch gwasanaethau er lles pobl Cymru.

Bydd deiliad y swydd yn adrodd i'r Uwch-reolwr Prosiect, Data a Gwasanaethau TGCh, a bydd yn llywio'r broses o gasglu data, dadansoddi a rheoli perfformiad ac yn ei goruchwylio ar ran AGC.

Bydd y rôl hon yn cynnwys gweithio gyda chydweithwyr i nodi eu gofynion o ran gwybodaeth, datblygu datrysiadau gwybodaeth ac ymgysylltu â rhanddeiliaid mewnol ac allanol ynghylch y broses o gasglu a defnyddio gwybodaeth ym mhob rhan o'r sefydliad.

Mae AGC yn sefydliad a arweinir gan ddeallusrwydd ac mae'r rôl hon yn allweddol i alluogi hyn.

Tasgau Allweddol:

• Gweithio gyda'r Uwch-reolwr i ddatblygu strategaeth i lywio a darparu gwasanaeth data sy'n galluogi'r sefydliad i sicrhau ei fod yn cael ei arwain gan ddeallusrwydd.
• Gweithio gyda chydweithwyr ym mhob rhan o AGC i nodi eu gofynion o ran gwybodaeth ac arwain y gwaith o ddatblygu datrysiadau priodol, gan gynnwys adroddiadau ac offer data hunanwasanaeth.
• Datblygu'r defnydd o dechnegau dadansoddi data i lunio modelau dadansoddi a rhagweld, gan ddarparu deallusrwydd gwell o'r data.
• Meithrin a chynnal rhwydweithiau â darparwyr gwybodaeth sy'n gysylltiedig â gofal cymdeithasol a gofal plant yng Nghymru, gan sicrhau bod AGC yn ymwybodol o ffynonellau data a bod anghenion AGC o ran gwybodaeth yn cael eu cynrychioli.

• Bod yn rheolwr llinell uniongyrchol ar bum Swyddog Gweithredol Uwch ac un Swyddog Gweithredol.

• Bod yn gyfrifol am gynllunio gwaith y tîm, gan sicrhau ei fod yn dilyn amcanion busnes cyffredinol AGC, a rhoi trefniadau rheoli perfformiad priodol ar waith i ategu a dangos y gwasanaeth a ddarperir.
• Rheoli'r broses o gasglu data, dosbarthu data, dadansoddi a chyflwyno data.
• Arwain y gwaith o lunio adroddiadau rheolaidd ac ad-hoc ar berfformiad i'r Tîm Arwain Gweithredol.
• Arwain y broses o ddatblygu cynllun gwaith blynyddol i sicrhau cwmpas digonol ar gyfer y gwaith o archwilio ac adolygu system CRM er mwyn sicrhau a chynnal cywirdeb data. Cyfrannu at Ddatblygiad Digidol, gan gynnwys arwain y gofynion o ran gwybodaeth ac adrodd.

• Rheoli eich datblygiad proffesiynol eich hun a cheisio cyfleoedd priodol drwy drafod â'r Uwch-reolwr, Prosiect, Data a Gwasanaethau TGCh.