- Y RÔL -

     
Prif rôl Swyddog y Cyfryngau Cymdeithasol yw cefnogi’r tîm Marchnata gyda’r gwaith o gynllunio, trefnu a darparu gweithgarwch cyfryngau cymdeithasol dwyieithog sy’n denu darpar fyfyrwyr i astudio gyda’r Brifysgol. Bydd y rôl yn canolbwyntio'n bennaf ar greu ac amserlennu gwahanol fathau o gynnwys dwyieithog sy'n annog ymgysylltiad cadarnhaol â’r Brifysgol ar draws ei chyfres o lwyfannau cyfryngau cymdeithasol Cymraeg a Saesneg. 
Gan adrodd i Reolwr y Cyfryngau Cymdeithasol, bydd disgwyl hefyd iddynt feithrin perthnasau proffesiynol agos â rhanddeiliaid ar draws PCYDDS i sicrhau dull rhagweithiol wedi’i gynllunio ar gyfer pob un o weithgareddau cyfryngau cymdeithasol y Brifysgol.

Bydd Swyddog y Cyfryngau Cymdeithasol yn gyfrifol am oruchwylio grŵp o Grewyr Cynnwys. 

Lleolir Swyddog y Cyfryngau Cymdeithasol yn bennaf naill ai yng Nghaerfyrddin neu Abertawe. Fodd bynnag, gall fod yn ofynnol i’r deiliad swydd ymweld hefyd â champysau eraill PCYDDS i ddarparu cyngor ac arweiniad ar gyfer cydweithwyr.

Cyfeiriwch at y disgrifiad swydd am fanylion y meini prawf hanfodol sydd eu hangen ar gyfer y rôl hon.

- Y GYMRAEG - 

Mae gallu i gyfathrebu a gweithio drwy gyfrwng y Gymraeg yn hanfodol ar gyfer y swydd hon.

- GWYBODAETH YCHWANEGOL -

• 28 diwrnod o wyliau blynyddol y flwyddyn, ynghyd ag 8 gŵyl banc a 4 diwrnod pan fo’r Brifysgol ynghau, pro rata
• I gael gwybodaeth am ein buddion staff, copïwch a gludwch y ddolen hon yn eich porwr: https://www.uwtsd.ac.uk/jobs 
• Gall y rôl hon fod yn gymwys ar gyfer nawdd yn amodol ar ofynion trothwy cyflog y Swyddfa Gartref https://www.gov.uk/skilled-worker-visa/your-job (graddfa 5 ac uwch)
• Nid yw’r broses ymgeisio hon yn cynnwys yr opsiwn i gyflwyno CV. O’r herwydd, caiff eich cais ei asesu ar sail eich cais a’ch datganiad ategol.

Dyddiad cau: 22 Hydref 2025
Dyddiad y cyfweliad: I’w gadarnhau