Cyfle Cyfartal

Mae Trafnidiaeth Cymru (TrC) yn gwerthfawrogi amrywiaeth. Mae’n ein gwneud yn gryfach, yn ein helpu i ddeall ein cwsmeriaid yn well, i wneud penderfyniadau gwell ac i fod yn fwy arloesol.  Mae pawb yn wahanol ac mae gan bawb eu safbwynt eu hunain felly rydyn ni’n creu tîm amrywiol sy’n adlewyrchu’r cymunedau rydyn ni’n eu gwasanaethu. Drwy wneud hyn, rydyn ni’n benderfynol o fod yn un o gyflogwyr mwyaf cynhwysol Cymru.  Rydyn ni’n creu rhwydwaith trafnidiaeth cynhwysol y gall pawb yng Nghymru fod yn falch ohono.

Cyflwyniad 

Cyfle cyffrous i ymuno â TrC fel Rheolwr Contractau Trafnidiaeth (Rheoli Seilwaith) lle byddwch yn gyfrifol  am reoli’r gwaith o gyflawni Cytundeb Seilwaith Llinellau Craidd y Cymoedd ar gyfer gwasanaethau rheoli seilwaith ar ran yr Awdurdod (Trafnidiaeth Cymru), gydag Amey Infrastructure Wales, fel aelod allweddol o’r Tîm Contractau Trafnidiaeth.

Cyfrifoldebau’r swydd
 

Byddwch yn arwain y gwaith o reoli’r Cytundeb Seilwaith o ddydd i ddydd ar ran Trafnidiaeth Cymru drwy fod yn gyfrifol am reoli’r gwaith o gyflawni a sicrhau cydymffurfiaeth â’r rhwymedigaethau a cherrig milltir ymrwymedig ar gyfer gwasanaethau rheoli seilwaith Llinellau Craidd y Cymoedd (CVL).

Byddwch yn rheoli prosesau cydymffurfio a chofnodi’r holl newidiadau mewn contractau sy’n berthnasol i wasanaethau Rheoli Seilwaith y Cytundeb Seilwaith, o ddatblygu unrhyw gynigion am newidiadau mewn contract i sicrhau cymeradwyaeth gan yr Awdurdod a Llywodraeth Cymru, cyn cyhoeddi unrhyw newidiadau y cytunwyd arnynt mewn contract i sicrhau trywydd archwilio cadarn sy’n cydymffurfio

Byddwch yn dylunio a gweithredu systemau a phrosesau rheoli contractau sy’n ymwneud â’r IA a chontractau rheilffyrdd eraill sy’n gysylltiedig â darparu gwasanaethau Rheoli Seilwaith gan AIW, fel trefniadau rhyngweithio dan gontract i sicrhau darpariaeth rheoli contractau sy’n cydymffurfio.

Am bwy rydyn ni’n chwilio

Bydd angen y canlynol arnoch:

• Profiad amlwg o reoli contractau cymhleth, uchel eu gwerth mewn amgylchedd sy’n cael ei reoleiddio, gan ganolbwyntio ar reoli ar ôl dyfarnu contract.
• Gwybodaeth am systemau a phrosesau er mwyn rheoli contractau neu brosiectau’n effeithiol.
• Profiad o negodi’n fasnachol ac o ddrafftio, negodi a chofnodi newidiadau mewn contract, gan weithio gyda’n cynghorwyr cyfreithiol. ​
• Profiad o weithredu’n effeithiol ar lefel uwch, a phrofiad amlwg o lywodraethu.

Buddion:

• Pensiwn cyflogwr o 8% gyda NEST
• 28 diwrnod o wyliau (heb gynnwys gwyliau banc)
• Teithio am ddim ar draws rhwydwaith Rheilffyrdd TrC
• 4x cyflog os ydych yn marw yn y swydd
• Rhaglen Cymorth i Weithwyr
• Buddion hyblyg (gan gynnwys Cynllun Prydlesu Car Trydan a Chynlluniau Beicio i’r Gwaith)

Pwy ydyn ni

Trafnidiaeth Cymru (TrC) yw’r cwmni nid-er-elw sy’n mynd ati i gyflawni gweledigaeth Llywodraeth Cymru o ddarparu rhwydwaith trafnidiaeth diogel, integredig, fforddiadwy a hygyrch o safon uchel yng Nghymru. Ein nod yw ‘Cadw Cymru i Symud’ drwy ddarparu gwasanaeth sy'n canolbwyntio ar gwsmeriaid, rhoi cyngor arbenigol a buddsoddi mewn seilwaith.

Sgiliau Cymraeg

Mae’r gallu i siarad Cymraeg yn fanteisiol ond nid yw’n hanfodol ar gyfer y swydd hon.

* Cofiwch ein bod yn cadw’r hawl i gau’r swydd wag hon yn gynnar os daw digon o geisiadau i law.