Ydych chi'n chwilio am swydd mewn sefydliad lle mae'r gwaith a wnewch chi'n gwneud gwahaniaeth gwirioneddol i blant? Os yw'r ateb yn ‘ie’, mae'r rôl Swyddog Polisi a Materion Cyhoeddus (Cymru)  gallai fod yn union beth rydych chi'n chwilio amdano. 

Llunio'r Dyfodol – Ymunwch â'r Cyfarwyddiaeth Strategaeth a Gwybodaeth 

Mae pob plentyndod yn werth brwydro drosto. Rydym ni’n credu hynny’n gryf. Hyn sy’n ein ysgogi ni. Ac sy’n ysgogi ein Tîm Polisi a Materion Cyhoeddus gwobrwyedig i barhau i gynnal dylanwad yr NSPCC fel llais gwybodus a grymus ar bob lefel. Ymunwch â ni fel Swyddog Polisi a Materion Cyhoeddus a chewch fod yn rhan o’r cynnydd sy’n golygu mwy.

Mae deiliad y swydd yn cefnogi gwaith y tîm Polisi a Materion Cyhoeddus yn Nhymru o ran sicrhau newid a diwygio gwirioneddol er lles pennaf plant. Bydd yn chwarae rhan allweddol yn y gwaith o ddadansoddi polisi, ymchwilio i bolisi a gweithgarwch materion cyhoeddus gydag amrywiaeth o randdeiliaid allanol, gan gynnwys aelodau etholedig perthnasol a swyddogion y llywodraeth.

Rydym ni’n chwilio am rywun sydd ag ymrwymiad clir i weledigaeth yr NSPCC i weithio gyda’n gilydd i roi terfyn ar gam-drin ac esgeuluso plant. Bydd angen dealltwriaeth dda o bolisi cyhoeddus sy’n ymwneud â gwaith yr NSPCC a sgiliau materion cyhoeddus amlwg, gyda gwybodaeth dda am lunio polisïau a phrosesau seneddol yng Nghymru.

Ymunwch â ni a chewch fod yn aelod o dîm sy’n teimlo’n gryf am y gwaith maen nhw’n ei wneud a’r bobl maen nhw’n gweithio gyda nhw. Byddwch yn canfod cyfleoedd i dyfu, ynghyd â heriau a diben cyffredin a fydd yn eich dangos chi ar eich gorau. Byddwch yn gallu darganfod eich ffordd eich hun o wneud gwahaniaeth sy’n golygu mwy, ac sy’n effeithio ar filiynau o fywydau ifanc.