Y Contract

Business in Focus yw'r prif bartner cyflenwi ym Mhartneriaeth Menter Cymru (EPC), ynghyd â Menter Môn, M-SParc ac ecosystem o asiantaethau cymorth ledled Cymru. Mae EPC wedi ennill y contract i ddarparu gwasanaeth Busnes Cymru ar ran Llywodraeth Cymru, gan ddarparu cyngor a chefnogaeth i entrepreneuriaid ledled Cymru.

Mae'r Gwasanaeth Entrepreneuriaeth a Dechrau Busnes yn canolbwyntio ar ddarparu ystod eang o gyngor i bobl ifanc a busnesau newydd drwy amrywiaeth o ddulliau gan gynnwys cymorth ar ffurf ddigidol, dros y ffôn ac wyneb yn wyneb.

Roedd EPC yn llwyddiannus yn eu cais i ddarparu’r ddau wasanaeth cyngor a ddarperir gan Busnes Cymru sef y Gwasanaeth Entrepreneuriaeth a Dechrau Busnes (ESU) a'r Gwasanaeth Datblygu a Thwf Busnes (BDG).

Y Rôl

Mae'r Cydlynydd Marchnata yn cefnogi’r Rheolwr Contract ESU gyda datblygu, gweithredu a rheoli cynllun marchnata Busnes Cymru fel y cytunwyd arno, ac ar y cyd ag ymgyrchoedd a gweithgareddau hyrwyddo a gymeradwywyd gan Lywodraeth Cymru.

Mae'r rôl yn cysylltu â Rheolwyr Gweithredol ESU i ddarparu swyddogaeth farchnata effeithiol sy'n gyrru ac yn ymgysylltu â grŵp cleientiaid amrywiol i gefnogi'r timau cyflenwi i gyflawni amcanion a thargedau.

Mae rheoli perthynas effeithiol yn allweddol i lwyddiant y rôl hon. Rhaid i'r Cydlynydd Marchnata sefydlu a chynnal perthnasoedd gwaith effeithiol a gweithio ar y cyd â Thîm Rheoli Gweithredol ESU, Llywodraeth Cymru, ein partneriaid cyflenwi, a'r holl randdeiliaid eraill.

Y Cyfrifoldebau

1. Ymchwilio i a dadansoddi tueddiadau'r farchnad, demograffeg, cynhyrchion cystadleuwyr, a gwybodaeth berthnasol arall i lywio strategaethau a gweithgareddau marchnata.
2. Bob blwyddyn, ysgrifennu a chytuno ar gyllideb a chynllun marchnata strategol ac ymgyrchoedd tactegol Busnes Cymru i dargedu entrepreneuriaid a busnesau newydd, yn unol â model enillion ar fuddsoddiad y cytunwyd arno.
3. Monitro, dadansoddi ac adrodd ar effeithiolrwydd strategaethau ac ymgyrchoedd marchnata, gan sicrhau cynnydd mewn atgyfeiriadau o ansawdd a chanlyniadau mesuradwy.
4. Rheoli gweithgareddau marchnata a allanoliwyd a sicrhau eu bod yn bodloni safonau uchel, amcanion a chyllidebau.
5. Cydlynu a chefnogi rheoli digwyddiadau, gan gynnwys trefnu lleoliadau, siaradwyr, hyrwyddo a chasglu adborth.
6. Ymgysylltu â Llywodraeth Cymru i gefnogi a dylanwadu ar ymgyrchoedd cysylltiadau cyhoeddus, gwe a chyfryngau cymdeithasol.
7. Rheoli sianeli cyfryngau cymdeithasol a chreu cynnwys o ansawdd uchel sy’n ymgysylltu â’r gynulleidfa darged.
8. Sicrhau bod pob gweithgaredd marchnata yn cydymffurfio â chanllawiau brand Busnes Cymru/Llywodraeth Cymru.
9. Sicrhau bod gweithgarwch marchnata yn cael ei gyflawni o fewn y gyllideb ac yn unol â’r cynllun.
10. Rheoli effeithiolrwydd gweithgareddau marchnata a gweithredu gwelliannau parhaus.
11. Datblygu ymwybyddiaeth brand a sicrhau defnydd cyson o frand Busnes Cymru.
12. Cynhyrchu astudiaethau achos ar gyfer marchnata a chysylltiadau cyhoeddus.
13. Mynychu cyfarfodydd rheoli i gyflwyno cynlluniau marchnata ac adrodd ar berfformiad.
14. Adrodd yn rheolaidd ar gynnydd marchnata a chymryd rhan mewn cyfarfodydd perthnasol.
15. Darparu gwybodaeth reoli i fonitro perfformiad a nodi heriau.
16. Cefnogi gwelliant parhaus drwy wneud argymhellion ar weithdrefnau a systemau.
17. Ymgymryd ag unrhyw ddyletswyddau eraill fel sy’n rhesymol ofynnol.

Cydraddoldeb ac Amrywiaeth

18. Hyrwyddo cydraddoldeb, amrywiaeth a chynhwysiant drwy'r cymorth busnes a ddarperir.
19. Cynnal ymwybyddiaeth a hyfforddiant cyfredol mewn materion cydraddoldeb, amrywiaeth a chynhwysiant.
20. Darparu gwasanaeth cynhwysol yn unol â gwerthoedd Business in Focus a gofynion Llywodraeth Cymru.

Mae'r uchod yn ddiffiniad eang o gyfrifoldebau’r swydd ac nid yw’n cynnwys pob agwedd ar y rôl. Mae hyblygrwydd yn hanfodol gan y bydd oriau gwaith yn cael eu pennu gan ofynion y busnes.