Cynorthwyydd Cyfathrebu 
Mae’r holl feini prawf yn hanfodol oni nodir fel arall 
Yn atebol i’r canlynol: Swyddog Cyfathrebu
Yn gyfrifol yn uniongyrchol am y canlynol (i’w adolygu): Amherthnasol
Diben cyffredinol y swydd 
Bydd deiliad y swydd yn cynorthwyo i gyflawni gwaith ym maes cyfathrebu,
cysylltiadau cyhoeddus, cynnwys digidol, a gweithgarwch marchnata ar gyfer 
Barcud. Byddwch yn helpu i ddod â’n stori yn fyw drwy rannu profiadau ein 
tenantiaid, ein cymunedau a’n cydweithwyr, a byddwch yn dangos effaith ein 
gwaith.
Gan weithio ar draws ystod o sianelau, byddwch yn creu cynnwys clir a 
diddorol ar gyfer cydweithwyr, rhanddeiliaid, newyddiadurwyr, a’r cyhoedd yn 
ehangach. O gynnwys ar gyfer cyfryngau cymdeithasol i ymgyrchoedd digidol, 
cysylltiadau â’r cyfryngau a gwaith cyfathrebu mewnol, byddwch yn chwarae 
rhan weithgar yn y gwaith o helpu Barcud i gyfathrebu a chysylltu â’i 
gynulleidfaoedd.
Byddwch yn cynorthwyo gweithgarwch cyfathrebu sydd wedi’i gynllunio a
gweithgarwch cyfathrebu adweithiol, a chi fydd y pwynt cyswllt cyntaf ar gyfer 
ymholiadau gan y cyfryngau ac ymholiadau am gyfathrebu, lle byddwch yn 
helpu i sicrhau ymatebion prydlon a chywir. Mae hon yn rôl amrywiol sy’n 
gofyn am agwedd hyblyg a rhagweithiol a’r gallu i weithio’n effeithiol.

Cyfrifoldebau Allweddol
• Cynorthwyo i greu cynnwys clir, diddorol a hygyrch ar gyfer ystod o 
gynulleidfaoedd a sianelau, sy’n cynnwys gwaith cyfathrebu mewnol,
datganiadau i’r cyfryngau, negeseuon ar gyfryngau cymdeithasol, 
llythyrau newyddion, a graffeg a fideos syml. 
• Helpu i droi syniadau am ymgyrchoedd yn gynnwys diddorol ar 
gyfryngau cymdeithasol, sy’n taro tant gyda thenantiaid a chymunedau. 
• Hybu gwaith cyfathrebu mewnol effeithiol drwy ddatblygu cynnwys ar 
gyfer y fewnrwyd a bwletinau rheolaidd i’r staff. 
• Cynorthwyo i ddiweddaru a monitro gwefan Barcud er mwyn sicrhau 
bod y cynnwys yn gywir ac yn berthnasol a’i fod yn cael ei ddiweddaru’n 
gyson. 
• Cynorthwyo i drefnu a hyrwyddo ymgyrchoedd a digwyddiadau mewnol 
ac allanol. 
• Darparu cymorth o ran cyfathrebu a gweinyddu ar draws ymgyrchoedd 
a sianelau digidol, sy’n cynnwys amserlennu cynnwys.
• Cynorthwyo i gynhyrchu ffotograffau a chynnwys ar gyfer fideos, a 
ddefnyddir ar draws gwaith cyfathrebu digidol ac mewn print. 
• Helpu i gynnal brand a chywair cyson i Barcud ar draws pob math o 
sianelau a deunyddiau cyfathrebu. 
• Cynorthwyo i ddatblygu a dosbarthu’r llythyr newyddion bob chwarter, a 
chynorthwyo gyda gweithgarwch marchnata digidol gan gynnwys 
ymgyrchoedd drwy ebost. 
• Bod yn bwynt cyswllt cyntaf ar gyfer ymholiadau gan y cyfryngau, gan 
sicrhau ymatebion prydlon a chywir, a diweddaru’r lòg ar gyfer 
ymholiadau gan y cyfryngau. 
• Cynorthwyo i baratoi safbwyntiau ar gyfer y cyfryngau a pharatoi 
papurau briffio a datganiadau i’r wasg. 
• Monitro sianelau traddodiadol a sianelau ar gyfryngau cymdeithasol, a 
helpu i greu cynnwys ymatebol er mwyn cynnal presenoldeb a 
pherthnasedd Barcud ar-lein. 
• Cynorthwyo i werthuso ymgyrchoedd drwy lunio adroddiadau monitro, a 
defnyddio dealltwriaeth i wella ymgysylltiad a chyrhaeddiad. 
• Gweithio’n agos gyda chydweithwyr ar draws y Grŵp i hybu 
gweithgarwch cyfathrebu ac annog defnydd effeithiol o adnoddau 
cyfathrebu. 
• Rheoli llwyth gwaith yn effeithiol a chynorthwyo i gyflawni gweithgarwch 
cyfathrebu erbyn terfynau amser. 

Cyfrifoldebau Corfforaethol 
• Darparu gwasanaeth ardderchog i gwsmeriaid yn fewnol ac yn allanol. 
• Gweithio’n unol ag ymrwymiadau Barcud o ran cydraddoldeb, 
amrywiaeth, cynhwysiant a pherthyn, bob amser ac ym mhob agwedd 
ar waith cyflogi a darparu gwasanaethau. 
• Ym mhob agwedd ar waith Barcud, hyrwyddo systemau cyfathrebu 
effeithiol, gwasanaethau o safon i denantiaid a chymunedau, a gwelliant 
parhaus. 
• Cymryd rhan mewn cyfleoedd i ddysgu a datblygu sy’n berthnasol i’r rôl. 

Cyflawni unrhyw ddyletswyddau a chyfrifoldebau eraill y gallai fod yn rhesymol 
gofyn i ddeiliad y swydd eu cyflawni. Ni fwriedir i’r disgrifiad swydd hwn fod yn 
rhestr gyflawn, ac mae’n bosibl y bydd yn cael ei adolygu a’i ddiweddaru’n 
unol ag anghenion busnes a gofynion sefydliadol sy’n newid