Manyleb Swydd: 

Swyddog Cyfathrebu 

Pwrpas y rôl 

Bydd y Swyddog Cyfathrebu yn cefnogi’r ddarpariaeth strategaeth gyfathrebu Plaid Cymru, gan helpu i gyflwyno neges y blaid yn glir, yn greadigol ac yn gyson ar draws sianeli digidol, mewnol a’r cyfryngau. Gan weithio dan y Pennaeth Strategaeth Wleidyddol a Chyfathrebu, byddwch yn helpu i gyfleu negeseuon Plaid Cymru mewn ffordd glir, ddeniadol sy’n adlewyrchu ei gwerthoedd ac sy’n apelio at bleidleiswyr, yn cryfhau proffil y blaid, ac yn cefnogi ffrydiau gwaith ehangach gan gynnwys ymgyrchoedd ac aelodaeth. 

Byddwch yn gyfrifol am greu cynnwys cyfryngau cymdeithasol gan gynnwys fideos a graffeg byrion, cefnogi cyfathrebu mewnol, a helpu gyda gweithgaredd yn ymwneud â’r wasg a’r cyfryngau. Dyma rôl yn y Tîm Cyfathrebu, fyddai’n addas i rywun a greddf ddigidol gref, sgiliau ysgrifennu da, ymwybyddiaeth wleidyddol, ac ymrwymiad i werthoedd Plaid Cymru. 

Prif Gyfrifoldebau 

Cyfryngau digidol a chymdeithasol: 

• Cefnogi cynnyrch cyfryngau cymdeithasol Plaid Cymru o ddydd i ddydd ar draws prif lwyfannau’r blaid trwy greu cynnwys cyfryngau cymdeithasol deniadol, gan gynnwys graffeg a fideos byrion, er mwyn cyfleu neges Plaid Cymru yn glir ac yn effeithiol. 

• Cefnogi rheoli cymunedol ar draws llwyfannau cyfryngau cymdeithasol y blaid, gan gynnwys monitro sylwadau, nodi cyfleoedd i ymwneud, a thynnu sylw ar risgiau neu broblemau lle bo hynny’n briodol. 

• Gweithio gyda’r Swyddog Ymgyrchoedd Digidol, helpu i greu cynnwys ar gyfer ymgyrchoedd a digwyddiadau gwleidyddol allweddol gan gynnwys cynadleddau’r blaid. 

• Cynorthwyo gyda monitro tueddiadau ar y cyfryngau cymdeithasol, datblygiadau gwleidyddol a sgyrsiau ar-lein sy’n berthnasol i Blaid Cymru. 

• Cyfrannu syniadau am gynnwys creadigol sy’n adlewyrchu gwerthoedd Plaid Cymru ac yn cysylltu â gwahanol gynulleidfaoedd. 

Cefnogaeth gyda gwaith y wasg a’r cyfryngau: 

• Helpu’r tîm Cyfathrebu gyda gwaith y wasg, gan gynnwys drafftio deunydd byr i’r wasg, paratoi nodiadau briffio, a chefnogi monitro’r cyfryngau. 

• Helpu i ymwneud â newyddiadurwyr a darlledwyr i hyrwyddo gwaith y blaid, yn enwedig yn ystod ymgyrchoedd, cynadleddau’r blaid, ac achlysuron gwleidyddol allweddol. 

Cyfathrebu mewnol gyda’r aelodau: 

• Gweithio gyda chydweithwyr i sicrhau fod pob gohebiaeth fewnol yn glir, hygyrch, yn ddeniadol ac yn gyson â neges ehangach Plaid Cymru. 

• Helpu gyda chyfathrebu digidol mewnol ledled y blaid. 

• Datblygu cynnwys, print a digidol, sy’n gwella cyfathrebu gydag aelodau Plaid Cymru ar lawr gwlad. 

• Helpu i rannu arfer da o bob cwr o’r blaid a chryfhau ymdeimlad o berthyn, hyder a momentwm ymhlith yr aelodau. 

• Helpu i gynllunio cynnwys ynghylch ymgyrchoedd a chyhoeddiadau’r blaid, cynadleddau a digwyddiadau gwleidyddol o bwys. 

Sgiliau Allweddol a Phrofiad 

Hanfodol 

• Sgiliau cyfathrebu ysgrifenedig cryf yn yr Gymraeg a Saesneg. 

• Dealltwriaeth o lwyfannau cyfryngau cymdeithasol a sut i greu cynnwys deniadol ar gyfer gwahanol gynulleidfaoedd. 

• Y gallu i gynhyrchu cynnwys ysgrifenedig clir, hygyrch a manwl gywir. 

• Profiad o greu cynnwys digidol, megis graffeg, fideos, inffograffeg neu asedau cyfryngau cymdeithasol. 

• Barn wleidyddol dda a dealltwriaeth o werthoedd a nod Plaid Cymru. 

• Y gallu i weithio fel rhan o dîm mewn amgylchedd gwleidyddol sy’n symud yn gyflym. 

• Y gallu i reoli sawl tasg ar y pryd a chwrdd â therfynau amser. 

• Profiad o ddefnyddio dulliau dylunio, fideo neu gyfryngau cymdeithasol fel Canva, Adobe Creative Suite, CapCut neu lwyfannau tebyg. 

• Profiad o ysgrifennu ar gyfer llythyrau newyddion, gwefannau, e-byst neu gyfryngau cymdeithasol. 

Dymunol 

• Profiad o weithio neu wirfoddoli mewn mudiad gwleidyddol, ymgyrchu, y cyfryngau, elusen neu fudiad aelodaeth. 

• Dealltwriaeth o wleidyddiaeth Cymru ac o dirwedd cyfryngol Cymru. 

• Profiad o ddefnyddio offer dadansoddeg i fesur perfformiad cyfryngau cymdeithasol neu ymgyrchoedd. 

Dyddiad cau am geisiadau: Hanner dydd ar ddydd Mercher, Awst 5 2026 

Dyddiad creu rhestr fer: Dydd Mawrth, Awst 11 2026 

Cyfwelir ymgeiswyr a gyrhaeddodd y rhestr fer ar: ddydd Mawrth, Awst 25 2026 

Anfonwch ffurflenni cais wedi eu cwblhau at: paula.reed@plaid.cymru