Sylwch: contract am gyfnod penodol o 24 yw hwn  

Y Swydd

Bydd rôl y swyddog cyfathrebu yn darparu cymorth hanfodol wrth ddatblygu a chyflwyno rhaglen gyfathrebu strategol lwyddiannus a hirdymor i sicrhau ein bod yn cynnig y gwasanaeth cyfathrebu busnes gorau posibl i'n pobl, i'n cwsmeriaid ac i'n rhanddeiliaid.

Cyfrifoldebau'r swydd

• Darparu cymorth cyfathrebu o ddydd i ddydd i'r partneriaid busnes cyfathrebu drwy gynnig y lefel iawn o gymorth cyfathrebu, a hynny'n effeithiol, i sicrhau bod y cyngor iawn yn cael ei roi i gefnogi'r gwaith o gyflwyno rhaglenni a phrosiectau allweddol ar draws cyfarwyddiaethau dynodedig.
• Cyflawni prosiectau o ddydd i ddydd drwy ysgrifennu cynnwys fel drafftio datganiadau i'r wasg, blogiau fideo, negeseuon ar y cyfryngau cymdeithasol, cynnwys ar y we a gohebiaeth i gydweithwyr.  Cysylltu â rheolwyr prosiect i sicrhau bod y tasgau cyfathrebu perthnasol yn cael eu cyflawni i gefnogi'r gwaith o gyflwyno rhaglenni a phrosiectau allweddol ar draws y cyfarwyddiaethau dynodedig.
• Bod yn llysgennad allweddol ar gyfer ein dull cyfathrebu, drwy sicrhau bod gweithgareddau'n cyd-fynd â'n gweledigaeth a'n gwerthoedd i sicrhau ein bod yn cyflawni safon, dull gweithredu, a negeseuon cyfathrebu cyson ar draws y sefydliad a'n sianeli cyfathrebu.
• Cefnogi'r gwaith o ddatblygu diwylliant ein gweithlu a rhaglenni newid perthnasol, drwy weithio'n agos gyda'r uwch swyddog cyfathrebu i sicrhau bod camau gweithredu sy'n cael eu dirprwyo yn cael eu cyflawni i gefnogi ein rhaglen gyffredinol ar gyfer ymgysylltu â chydweithwyr.

Am beth rydyn ni'n chwilio

• Profiad o weithio mewn amgylchedd cyfathrebu, fel swyddog cyfathrebu, cynorthwyydd marchnata ac ati.
• Profiad o weithio ar ymgyrchoedd cyfathrebu.
• Profiad o reoli prosiectau neu gefnogi prosiectau (ee digwyddiadau).
• Profiad o reoli perthnasoedd yn llwyddiannus â rhanddeiliaid.
• Profiad o amrywiaeth eang o gynnwys ysgrifenedig – ee ar gyfer cydweithwyr, y cyfryngau, y we, y cyfryngau cymdeithasol

Sgiliau Cymraeg

Er nad yw sgiliau Cymraeg yn hanfodol ar gyfer y swydd hon, byddent yn ychwanegiad gwych at eich cais.

Mae TrC yn cefnogi unrhyw un sydd eisiau dysgu Cymraeg neu wella ei sgiliau. Rydyn ni'n cynnig cyfleoedd dysgu ar-lein, cyrsiau ystafell ddosbarth, a chyllid i fynd ar gyrsiau yn y gymuned leol.

Cyfle Cyfartal

Rydyn ni'n newid y ffordd y mae'r diwydiant trafnidiaeth yn edrych. Drwy ddathlu a chroesawu gwahaniaethau, rydyn ni'n datblygu gweithlu sy'n cynrychioli Cymru. Mae angen i ni gael pobl ddawnus o bob cefndir a diwylliant i ddod i rannu eu safbwyntiau a'u profiadau. Mae timau amrywiol yn gwneud penderfyniadau gwell ac yn sbarduno arloesedd. Ymunwch â ni i drawsnewid y ffordd y mae Cymru'n teithio."

Pwy ydyn ni 

Mae Trafnidiaeth Cymru yn newid y ffordd y mae Cymru'n teithio, gan sicrhau mai trafnidiaeth gynaliadwy yw'r dewis cyntaf. Rydyn ni'n datblygu rhwydwaith trafnidiaeth integredig aml-ddull o'r enw Rhwydwaith T, i'w gwneud hi'n haws i bobl deithio ar y trên, ar y bws, ar droed, ar olwynion ac ar feic.

Y camau nesaf

Edrychwch ar y Disgrifiad Swydd yn yr atodiad i gael rhagor o fanylion ac i gael gwybod sut mae gwneud cais. Os ydych chi'n awyddus i gael gwybod mwy am ein gwaith yng Nghymru, darllenwch yr Adroddiad Blynyddol.

Rydyn ni'n Arweinydd Hyderus o ran Anabledd. Rhowch wybod i ni am unrhyw addasiadau rhesymol y gallai fod eu hangen arnoch yn y broses recriwtio neu fel rhan o'r swydd os byddwch chi'n llwyddiannus.

Bydd yr hysbyseb hon yn cau am 23:59 ar y dyddiad cau uchod. Fodd bynnag, rydyn ni'n cadw'r hawl i wrthod derbyn mwy o geisiadau ar gyfer y swydd wag os bydd digon wedi dod i law. Felly, cyflwynwch eich cais cyn gynted â phosibl.