Dyletswyddau Allweddol

• Cynllunio a gweithredu rhaglen cynnwys cyfryngau cymdeithasol y Llyfrgell a chyfrannu at hyrwyddo casgliadau a gwaith y Llyfrgell trwy greu a rhannu cynnwys deniadol.
• Cynllunio a gweithredu ymgyrchoedd cyfryngau cymdeithasol mewn cydweithrediad â’r Tîm Cyfathrebu a Marchnata.
• Gweithredu cynllun cynnwys i hyrwyddo Arddangosfeydd y Llyfrgell ar draws cyfrifon cyfryngau cymdeithasol.
• Arwain ar ddatblygu a chyhoeddi fideos i hyrwyddo’r Llyfrgell, gan gynnwys cynnwys ar YouTube.
• Monitro a gwerthuso effeithiolrwydd cyfrifon cyfryngau cymdeithasol a chyflwyno adroddiadau.
• Cynghori ar raglen hysbysebu ddigidol y Llyfrgell.
• Cydlynu prosesau sy’n galluogi staff i amlygu straeon sy’n cyfrannu at hyrwyddo’r sefydliad.
• Ysgrifennu copi cywir a deniadol ar gyfer deunyddiau hyrwyddo.
• Cydlynu, ysgrifennu ac anfon cylchlythyron ebost i gynulleidfaoedd targed.
• Gweinyddiaeth Polisi Cyfryngau Cymdeithasol y Llyfrgell (creu cyfrifon, cadw cofnodion, hysbysu staff o newidiadau).
• Rhannu cyngor ac arfer gorau i staff eraill sy’n defnyddio cyfryngau cymdeithasol.
• Sicrhau cysondeb wrth frandio Llyfrgell Genedlaethol Cymru.
• Adnabod anghenion dysgu a datblygu a mynychu hyfforddiant yn ôl yr angen.
• Cynnal dealltwriaeth o ddeddfwriaeth hygyrchedd y We, GDPR a hawlfraint.
• Helpu i staffio digwyddiadau gyda’r hwyr ac ar benwythnosau pan fo’r galw.
• Cyfrannu at waith timau eraill y Gyfarwyddiaeth yn ôl y galw.

Darperir y Swydd Ddisgrifiad hon i roi amlinelliad bras o'r gweithgareddau sy'n gysylltiedig â'r rôl. Efallai y bydd gofyn cyflawni dyletswyddau eraill nad ydynt wedi'u nodi yma ond sy'n gymesur â graddfa’r swydd. Gellir diwygio’r Swydd Ddisgrifiad o bryd i’w gilydd o fewn cwmpas a lefel y cyfrifoldeb sy’n berthnasol i’r swydd.

Cyfrifoldeb

• Cyfrifoldeb dros raglen cynnwys cyfryngau cymdeithasol y Llyfrgell.
• Cyfrifoldeb dros bresenoldeb y Llyfrgell ar gyfryngau cymdeithasol a llwyfannau cynnwys digidol.
• Cyfrifoldeb dros fonitro ac adrodd ar berfformiad cyfrifon cyfryngau cymdeithasol.
• Cyfrifoldeb dros rannu cyngor ac arfer gorau i staff eraill.
• Cyfrifoldeb dros ddatblygu cynnwys fideo.
• Cyfrifoldeb dros gynhyrchu a dosbarthu prif gylchlythyr y Llyfrgell.
• Cyfrifoldeb dros ddelwedd ac enw da’r Llyfrgell mewn achlysuron cyhoeddus.
• Cyfrifoldeb dros safon a chywirdeb gwybodaeth a gyflwynir.

Mae’r pecyn cyflogaeth yn cynnwys 30 diwrnod o wyliau, cynllun pensiwn cyflog terfynol, polisïau sy’n gyfeillgar i deuluoedd, oriau gweithio hyblyg a phrisiau gostyngol yn y bwyty. Mae Llyfrgell Genedlaethol Cymru yn gyflogwr cyfle cyfartal.

Am becyn gwybodaeth a manylion am sut i wneud cais cysylltwch ag Uned Adnoddau Dynol y Llyfrgell ar 01970 632530/1; neu Ebost: swyddi@llgc.org.uk