Disgrifiad Swydd 

Mai 2026 

Mae’r swydd hon yn galw am unigolion trefnus, hyblyg, brwdfrydig a hyderus sydd yn gallu meistroli nifer o elfennau amrywiol sydd ynghlwm â gwaith Mentrau Iaith Cymru. Bydd gofyn gallu teithio i amryw o leoliadau ledled Cymru yn ôl y galw.  

Amdanom ni 

Mae Mentrau Iaith Cymru (MIC) wedi bod yn gweithredu fel corff canolog i gefnogi gwaith y rhwydwaith o Fentrau Iaith lleol ers 1999 trwy amryw o weithgareddau.  Ein prif nod yw i ddarparu cyfleoedd i rwydweithio, roi llais i’r rhwydwaith, datblygu prosiectau rhanbarthol a chenedlaethol sy’n caniatáu i’r rhwydwaith weithio ar lefel rhanbarthol a chenedlaethol, a chynnig cefnogaeth ac arweiniad i’r Mentrau Iaith ar faterion amrywiol, gan gynnwys polisi mewnol, staffio, ymchwil a chyfleoedd datblygu yn y maes cynllunio iaith.  

Rydym yn gwmni cyfyngedig trwy warant ac yn chwarae rôl bwysig o fewn y 3ydd sector.   

Prif Bwrpas y Swydd 

Gweithio fel rhan o dîm bychan sy'n cefnogi gwaith y Mentrau Iaith ledled Cymru.  Darparu cefnogaeth i’r rhwydwaith o Fentrau Iaith a rheoli prosiectau sy’n ychwanegu gwerth i waith y Mentrau wrth iddynt gryfhau’r Gymraeg yn y gymuned.  Mae cydlynu gwaith ar draws y rhwydwaith o fentrau iaith a chynnal partneriaethau yn maes yr amgylchedd yn rhan greiddiol o’r swydd hon.  Mae elfennau eraill yn cynnwys datblygu prosiectau yn maes y celfyddydau a hyfforddiant. 

Prif Ddyletswyddau a chyfrifoldebau: 

• Arwain ar y gwaith o sefydlu prosiect cymunedol newydd wedi’i ariannu, yn y maes cynaliadwyedd amgylcheddol, ar draws rhwydwaith y Mentrau Iaith 

• Cydlynu a datblygu cefnogaeth i’r Mentrau: rhannu arfer da, cynorthwyo i sefydlu partneriaethau, 

• Trefnu hyfforddiant i swyddogion y Mentrau, 

• Rheoli a chydweithio ar brosiectau cenedlaethol amrywiol, 

• Cydweithio ar drefnu digwyddiadau ac ymgyrchoedd cenedlaethol 

• Cyfathrebu gyda’r Mentrau Iaith 

• Darparu elfennau o hyfforddiant neu weithdai yn ôl y galw 

• Cydweithio â phartneriaid allweddol a datblygu partneriaethau newydd 

• Mynychu cyfarfodydd perthnasol a chynrychioli buddion MIC a’r Mentrau 

Dyletswyddau a chyfrifoldebau cyffredinol: 

• Cefnogi gwaith swyddogion eraill MIC i gyflawni gweithgareddau a phrosiectau amrywiol 

• Paratoi adroddiadau rheolaidd ar y gwaith a gyflawnwyd er mwyn adrodd i Bwyllgor Gweithredol MIC a Llywodraeth Cymru 

• Mynychu digwyddiadau MIC  

• Mynychu cyrsiau hyfforddiant a chyfarfodydd perthnasol 

• Ymgymryd ag unrhyw dasgau a gofynion eraill rhesymol  

Sgiliau / Profiad hanfodol 

• Yn drefnus ac effeithiol, ac yn meddu ar sgiliau cyfathrebu a sgiliau rhyngbersonol o safon uchel, 

• Y gallu i drefnu gwaith heb gyfarwyddyd uniongyrchol gan ddatblygu syniadau a strategaethau newydd, 

• Profiad o gydlynu a datblygu partneriaethau, 

• Y gallu i gydweithio ag eraill, dwyn perswâd ac ennyn diddordeb a brwdfrydedd, 

• Sgiliau cyfrifiadurol da, 

• Profiad o reoli prosiectau a llunio adroddiadau, 

• Yn meddu ar drwydded yrru lân a chyfredol a defnydd o drafnidiaeth eich hunan, 

• Yn meddu ar fynegiant ysgrifenedig, dwyieithog, safonol (Cymraeg a Saesneg),  

• Dealltwriaeth o waith MIC, Mentrau Iaith a phartneriaid sy’n ymwneud â’r maes hyrwyddo’r Gymraeg, 

• Profiad o reoli cyllid/ cyllidebau,  

• Profiad o lunio ceisiadau ariannol.  

Sgiliau / profiad dymunol 

• Profiad a dealltwriaeth o waith y trydydd sector yng Nghymru 

• Ymwybyddiaeth sylfaenol o faterion newid hinsawdd 

• Profiad o lunio strategaethau 

• Dealltwriaeth o theorïau newid ymddygiad,  polisi iaith a’r maes cynllunio iaith yng Nghymru.  

I dderbyn y ffurflen gais, anfonwch e-bost at post@mentrauiaith.cymru

Cwblhewch y ffurflen gais a’i hanfon atom erbyn y 5ed o Fehefin 2026 erbyn hanner dydd.

Cliciwch ar ddolen CEISIO NAWR i weld rhagor o wybodaeth sydd ar gael ar ein gwefan.