Cyfle Cyfartal

Mae Trafnidiaeth Cymru yn gwerthfawrogi amrywiaeth. Mae’n ein gwneud yn gryfach, yn ein helpu i ddeall ein cwsmeriaid yn well, i wneud penderfyniadau gwell a bod yn fwy arloesol. Mae pawb yn wahanol ac mae gan bawb eu safbwynt eu hunain felly rydym yn creu tîm amrywiol sy’n adlewyrchu’r cymunedau rydym yn eu gwasanaethu. Drwy hyn, rydym yn benderfynol o fod yn un o gyflogwyr mwyaf cynhwysol Cymru. Rydym yn creu rhwydwaith trafnidiaeth cynhwysol y gall pawb yng Nghymru fod yn falch ohono.

Pwy ydyn ni 

Ein cenhadaeth yn Trafnidiaeth Cymru yw trawsnewid trafnidiaeth yng Nghymru a’i gwneud yn addas ar gyfer y dyfodol, boed hynny ar gyfer rheilffyrdd, bysiau, cerdded neu feicio. Rydyn ni eisiau ysbrydoli cenedl i newid y ffordd maen nhw’n teithio, fel bod pawb yn teithio’n fwy cynaliadwy ac yn helpu i fynd i’r afael â’r argyfwng hinsawdd sy’n wynebu pawb.

Rydyn ni’n lle agored a chynhwysol i weithio, lle mae croeso i bawb a lle caiff ein pobl eu cefnogi i gyflawni eu llawn botensial. Rydyn ni am greu awyrgylch sy’n galluogi ein pobl i dyfu a llwyddo. Mae hyn yn allweddol i’n galluogi i gyflawni’r addewidion rydyn ni wedi’u gwneud i bobl Cymru er mwyn adeiladu rhwydwaith trafnidiaeth gynaliadwy sy’n diwallu eu hanghenion nhw.

Cyfrifoldebau’r swydd

Bod yn gyfrifol am ddarparu cymorth hynod drefnus, rhagweithiol a dyfeisgar i Gadeirydd Trafnidiaeth Cymry (TrC) o ran prosiectau a materion gweinyddol, er mwyn gallu cyflawni rôl y Cadeirydd yn effeithlon ac yn llwyddiannus, ac i gefnogi'r gwaith o gyflawni amcanion strategol TrC.

• Rheoli perfformiad y Ganolfan Gyswllt a’r gwaith o’i rhedeg o ddydd i ddydd drwy fynd ati i arwain, goruchwylio a rheoli perfformiad staff ar y safle er mwyn sicrhau gwasanaeth effeithlon a phroffesiynol.

• Trefnu lefelau staffio drwy gynllunio rotas a phennu'r niferoedd gofynnol i fodloni'r galw a'r dangosyddion perfformiad allweddol y cytunwyd arnynt, gan sicrhau bod safonau gwasanaeth i gwsmeriaid yn parhau i fod yn uchel; rheoli'r broses recriwtio a chynefino mewn partneriaeth â'r Tîm Recriwtio i gynnal lefelau digonol o ran staff.
• Rhoi'r wybodaeth, y gefnogaeth a'r hyfforddiant sydd eu hangen ar staff i ymateb i ymholiadau cwsmeriaid yn gyflym ac yn effeithiol drwy ddarparu sgriptiau galwadau lle bo angen a darparu hyfforddiant a datblygiad i gynnal ansawdd y gwasanaeth a'r wybodaeth ddiweddaraf am arolygon cwsmeriaid.

• Datblygu a chynnal perthnasau gyda rhanddeiliaid perthnasol i nodi effaith bosibl ar wasanaethau a sicrhau dulliau cyfathrebu cywir a chyfoes i gwsmeriaid.

• Gosod amcanion a monitro cyflawniadau drwy gynnal adolygiadau perfformiad blynyddol ar gyfer is-weithwyr uniongyrchol i gefnogi datblygiad y tîm yn unol â pholisïau a gweithdrefnau Trafnidiaeth Cymru.

Am bwy rydyn ni’n chwilio

• Profiad o arwain canolfan gyswllt aml-sianel (galwadau ffôn, negeseuon e-bost a chyfryngau cymdeithasol).
• Profiad o ddefnyddio amrywiaeth o systemau TG, gan gynnwys teleffoni canolfan gyswllt a llwyfannau CRM.
• Profiad helaeth o dechnegau datrys cwynion.
• Sgiliau cyfathrebu ardderchog ar lafar ac ar bapur.
• Gallu defnyddio Microsoft Office yn fedrus, gan gynnwys Excel.

Sgiliau Iaith Gymraeg

Byddai’r gallu i sgwrsio ac ysgrifennu yn Gymraeg yn ychwanegiad gwych at eich cais, ond nid yw’n hanfodol ar gyfer y swydd hon.

Mae Trafnidiaeth Cymru yn cefnogi ac yn hybu gweithwyr i ddefnyddio’r Gymraeg, a bydd yn eu hannog i ddatblygu, gwella a chadw eu sgiliau Iaith Gymraeg. Rydym yn rhoi cefnogaeth lawn i staff sydd eisiau gwella eu sgiliau Cymraeg, ac mae datblygiad personol ar gyfer sgiliau Iaith Gymraeg yn cael ei gynnig mewn amrywiaeth o ffyrdd megis dysgu ar-lein, cyrsiau ystafell ddosbarth a chyrsiau cymunedol lleol

Y camau nesaf

A yw’r swydd hon yn swnio fel y cyfle rydych chi’n chwilio amdano? Hoffech chi gael gwybod mwy? Gweler y Disgrifiad Swydd sydd ynghlwm am ragor o fanylion.

Trafnidiaeth Cymru – yn arwain ar anableddau. Rydyn ni’n fodlon trafod unrhyw addasiadau rhesymol y bydd eu hangen arnoch yn y broses recriwtio neu fel rhan o’r swydd os byddwch chi’n llwyddiannus.

Bydd yr hysbyseb hon yn cau am hanner nos ar y diwrnod cau a nodir uchod. Rydyn ni’n eich annog i gyflwyno eich cais cyn gynted â phosibl.

* Cofiwch ein bod yn cadw’r hawl i gau’r swydd wag hon yn gynnar os daw digon o geisiadau i law.