Arweinydd Tîm

Cyfle Cyfartal

Mae Trafnidiaeth Cymru (TrC) yn gwerthfawrogi amrywiaeth. Mae’n ein gwneud yn gryfach, yn ein helpu i ddeall ein cwsmeriaid yn well, i wneud penderfyniadau deallus a bod yn fwy arloesol. Mae pawb yn wahanol ac mae gan bawb eu safbwynt eu hunain felly rydyn ni’n creu tîm amrywiol sy’n adlewyrchu’r cymunedau rydyn ni’n eu gwasanaethu. Drwy hyn, rydyn ni’n benderfynol o fod yn un o gyflogwyr mwyaf cynhwysol Cymru. Rydyn ni’n creu rhwydwaith trafnidiaeth cynhwysol y gall pawb yng Nghymru fod yn falch ohono.

Cyflwyniad

Rôl Arweinydd y Tîm yw bod yn gyfrifol am Dîm Glanhau i sicrhau bod y gwaith glanhau lleol yn dilyn y canllawiau a’r arferion gorau, gan ddarparu profiad da i gwsmeriaid.

Cyfrifoldebau’r swydd

Yn absenoldeb Rheolwr y Safle, bydd deiliad y swydd hon yn gyfrifol am dîm glanhau dynodedig safle drwy reoli a chydlynu ac am Weithwyr Glanhau ar y safle, yn sicrhau dull gweithredu cyson a gwasanaeth sy’n bodloni disgwyliadau ac sy’n ceisio rhagori arnynt.

Rhoi gwybodaeth reoli drwy gasglu data ar draws cyfrif trenau, archwiliadau a gwybodaeth stoc i sicrhau bod TrC yn gallu gwneud penderfyniadau ar sail gwybodaeth sy’n ymwneud â’r ddarpariaeth lanhau.

Cydlynu gweithgareddau gweithredol y timau drwy fod yn atebol am drefnu’r rotas glanhau a chynnal archwiliadau i sicrhau bod y safleoedd yn rhedeg yn effeithiol ac yn darparu gwasanaeth da i gwsmeriaid.

Hanfodol:

• Profiad o weithio mewn rôl lanhau.
• Yn gallu rheoli a chymell gweithlu gwasgaredig ac amrywiol.
• Dealltwriaeth o bolisïau a gweithdrefnau Iechyd a Diogelwch yn y diwydiant glanhau.
• Deall sut mae delio â sylweddau glanhau yn ddiogel.
• Hyblygrwydd ac ar gael i weithio’r shifftiau sy’n ofynnol.

Pwy ydym ni

Trafnidiaeth Cymru (TrC) yw’r cwmni nid-er-elw sy’n mynd ati i gyflawni gweledigaeth Llywodraeth Cymru o ddarparu rhwydwaith trafnidiaeth diogel, integredig, fforddiadwy a hygyrch o safon uchel yng Nghymru. Ein nod yw ‘Cadw Cymru i Symud’ drwy ddarparu gwasanaeth sy'n canolbwyntio ar gwsmeriaid, rhoi cyngor arbenigol a buddsoddi mewn seilwaith.

Sgiliau Cymraeg

Mae’r gallu i siarad Cymraeg yn fanteisiol ond nid yw’n hanfodol ar gyfer y swydd hon.