Rydym ni’n chwilio am Swyddog Ystadegol Uwch sy’n arweinydd dadansoddol ac yn mwynhau troi data cymhleth yn fewnwelediad ystyrlon sy’n cefnogi penderfyniadau gwell ar draws Estyn. Byddwch yn dod â medrusrwydd technegol cryf, ymagwedd ofalus a threfnus at ansawdd data, a meddylfryd gydweithredol sy’n helpu pobl eraill i ddeall a defnyddio tystiolaeth â hyder. Mae’r rôl hon yn ddelfrydol ar gyfer rhywun sy’n gwerthfawrogi eglurder, trylwyredd ac arloesedd, yn enwedig o ran sut caiff data ei reoli, ei ddadansoddi a’i gyfleu.

Byddwch chi’n arwain swyddogaeth ystadegol Estyn, gan sicrhau cyflawni dadansoddi data amserol a threiddgar, o ansawdd uchel, sy’n cefnogi amcanion strategol a rhaglenni arolygu. Byddwch chi’n goruchwylio casglu, dadansoddi a chyflwyno data trwy offer fel SQL a Power BI, gan sicrhau bod allbynnau’n gadarn, yn hygyrch ac yn cyd-fynd ag anghenion rhanddeiliaid mewnol ac allanol. Byddwch chi’n darparu tystiolaeth ystadegol ymddiriedus sy’n llywio’r penderfyniadau a wnawn, yn gwella effaith gwaith ymchwil ac arolygu, ac yn gyrru gwelliant parhaus mewn arfer ddadansoddol ar draws y sefydliad.

Mae tasgau allweddol yn cynnwys:

• Arwain ar brosesau echdynnu data, trawsnewid a sicrhau ansawdd gan ddefnyddio SQL a thechnegau codio dadansoddol eraill.
• Gweithio’n rhagweithiol gyda Llywodraeth Cymru, Medr a chyflenwyr a defnyddwyr data eraill i nodi a chael mynediad at setiau data perthnasol, gan sicrhau defnydd moesegol a chydymffurfio â safonau llywodraethu.
• Cydweithio â’r Uwch Swyddog Ymchwil i sicrhau bod tystiolaeth ystadegol yn ychwanegu at ganfyddiadau ansoddol ac yn cefnogi astudiaethau dulliau cymysg.
• Hyrwyddo ac ymgorffori arferion rheoli data cadarn ar draws y tîm.
• Arwain dadansoddi ystadegol cymhleth i ddiwallu anghenion rhanddeiliaid, cymhwyso dulliau priodol ac arferion codio yn SQL, lle mae angen.
• Datblygu prosesau dadansoddol atgynyrchadwy a thryloyw gyda threfn gref o ran sicrhau ansawdd a rheoli fersiynau.
• Gwerthuso cyfleoedd i ddefnyddio Deallusrwydd Artiffisial a thechnegau dysgu peiriant i wella effeithlonrwydd a mewnwelediad o fewn cynhyrchu ystadegol.
• Dylunio a darparu dangosfyrddau rhyngweithio a delweddau data gan ddefnyddio Power BI, ac offer arall, lle bo’n briodol, i gyfleu mewnwelediadau yn effeithiol.
• Cyflwyno dadansoddiadau mewn ffyrdd clir a difyr, teilwra allbynnau i gynulleidfaoedd amrywiol ac uchafu effaith.
• Darparu cyngor arbenigol ar ddehongliadau ystadegol i randdeiliaid, gan sicrhau bod allbynnau’n llywio’r penderfyniadau a wneir.
• Meithrin a chynnal perthnasoedd cryf â rhanddeiliaid mewnol ac allanol, yn cynnwys Llywodraeth Cymru, staff arolygu, a phartneriaid eraill, gan sicrhau bod gwaith dadansoddol yn cael ei yrru gan ddefnyddwyr ac yn cyd-fynd â blaenoriaethau polisi.
• Troi gofynion dadansoddol cymhleth yn brosiectau go iawn sy’n diwallu anghenion rhanddeiliaid mewn modd amserol.
• Gofyn yn rhagweithiol am adborth i sicrhau bod allbynnau’n parhau’n berthnasol ac yn hygyrch.
• Bod yn rheolwr llinell ar ystadegwyr iau, a’u mentora, gan feithrin diwylliant o ddatblygiad proffesiynol a safonau dadansoddol uchel.
• Hyrwyddo arloesedd mewn dulliau ystadegol, delweddu, a lledaenu, yn cynnwys archwilio rôl Deallusrwydd Artiffisial mewn cefnogi gwaith Estyn.
• Rheoli a monitro cyllidebau dyranedig, gan sicrhau rheolaeth ariannol, tryloywder, a gwerth am arian effeithiol wrth ddefnyddio cyllid cyhoeddus. Cyfrannu at gynllunio ariannol a rhoi sicrwydd fod adnoddau’n cael eu defnyddio’n effeithlon i gyflawni blaenoriaethau sefydliadol.

Cyflog: £45,974 – £54,430 (codiad cyflog yn yr arfaeth)

Hyd: Parhaol

Dyddiad cau i ymgeisio: 10:00yb ar 5 Ionawr 202