Disgrifiad o'r swydd
  

Cyfle Cyfartal

Mae Trafnidiaeth Cymru yn gwerthfawrogi amrywiaeth. Mae’n ein gwneud yn gryfach, yn ein helpu i ddeall ein cwsmeriaid yn well, i wneud penderfyniadau gwell a bod yn fwy arloesol. Mae pawb yn wahanol ac mae gan bawb eu safbwynt eu hunain felly rydym yn creu tîm amrywiol sy’n adlewyrchu’r cymunedau rydym yn eu gwasanaethu. Drwy hyn, rydym yn benderfynol o fod yn un o gyflogwyr mwyaf cynhwysol Cymru. Rydym yn creu rhwydwaith trafnidiaeth cynhwysol y gall pawb yng Nghymru fod yn falch ohono.

Pwy ydyn ni

Ein cenhadaeth yn Trafnidiaeth Cymru yw trawsnewid trafnidiaeth yng Nghymru a’i gwneud yn addas ar gyfer y dyfodol, boed hynny ar gyfer rheilffyrdd, bysiau, cerdded neu feicio. Rydyn ni eisiau ysbrydoli cenedl i newid y ffordd maen nhw’n teithio, fel bod pawb yn teithio’n fwy cynaliadwy ac yn helpu i fynd i’r afael â’r argyfwng hinsawdd sy’n wynebu pawb.

Rydyn ni’n lle agored a chynhwysol i weithio, lle mae croeso i bawb a lle caiff ein pobl eu cefnogi i gyflawni eu llawn botensial. Rydyn ni am greu awyrgylch sy’n galluogi ein pobl i dyfu a llwyddo. Mae hyn yn allweddol i’n galluogi i gyflawni’r addewidion rydyn ni wedi’u gwneud i bobl Cymru er mwyn adeiladu rhwydwaith trafnidiaeth gynaliadwy sy’n diwallu eu hanghenion nhw.

Cyfrifoldebau’r swydd

Mae’r swydd hon yn cefnogi’r gwaith o reoli portffolio tir ac eiddo Trafnidiaeth Cymru (TrC), gan gynnwys rheoli asedau eiddo y mae TrC a Rheilffyrdd TrC LTD yn berchen arnynt neu’n eu prydlesu. Mae hyn yn gofyn am wybodaeth helaeth am y portffolio ledled Cymru.

• Darparu cyngor i’r Rheolwr Portffolio, y Pennaeth Eiddo Masnachol a’r tîm Eiddo Masnachol ehangach drwy ddefnyddio sgiliau ac arbenigedd a thrwy ddrafftio papurau i wneud argymhellion a fydd yn sicrhau bod penderfyniadau o ran eiddo allweddol yn cael eu gweithredu.
• Cefnogi’r gwaith weithredu gweithdrefnau drwy ddatblygu dealltwriaeth lawn o systemau llawn TrC i sicrhau bod y portffolio tir ac eiddo yn cael ei reoli’n effeithiol.
• Cynnig telerau cytundebau cynsail ar gyfer gosod eiddo, hawddfreintiau a fforddfreintiau newydd drwy weithio’n agos gyda swyddogaeth cymorth cyfreithiol TrC a Rheilffyrdd Trafnidiaeth Cymru Cyf i sicrhau bod buddiannau TrC yn cael eu diogelu’n briodol ac nad ydynt yn agored i risg ormodol.
• Helpu i ddatblygu a gweithredu mecanwaith cydsynio i gael cydsyniad gan randdeiliaid i sicrhau bod TrC yn gallu bwrw ymlaen â thrafodion tir ac eiddo.

Am bwy rydyn ni’n chwilio

• Syrfëwr Siartredig Cymwys (MRICS) gyda phrofiad amlwg ar ôl cymhwyso.
• Profiad o ddelio â rheoli eiddo sy’n ymwneud â thir ac eiddo preswyl, amaethyddol a masnachol.
• Profiad o reoli cysylltiadau effeithiol â chleientiaid a hanes o roi strwythurau adrodd ar waith, ac o gadw atynt a chydymffurfio â nhw.
• Profiad amlwg o gysylltiad â rheoli portffolio eiddo cymhleth.
• Trwydded Yrru Lawn y DU.

Sgiliau Iaith Gymraeg

Byddai’r gallu i sgwrsio ac ysgrifennu yn Gymraeg yn ychwanegiad gwych at eich cais, ond nid yw’n hanfodol ar gyfer y swydd hon

Mae Trafnidiaeth Cymru yn cefnogi ac yn hybu gweithwyr i ddefnyddio’r Gymraeg, a bydd yn eu hannog i ddatblygu, gwella a chadw eu sgiliau Iaith Gymraeg. Rydym yn rhoi cefnogaeth lawn i staff sydd eisiau gwella eu sgiliau Cymraeg, ac mae datblygiad personol ar gyfer sgiliau Iaith Gymraeg yn cael ei gynnig mewn amrywiaeth o ffyrdd megis dysgu ar-lein, cyrsiau ystafell ddosbarth a chyrsiau cymunedol lleol

Y camau nesaf

A yw’r swydd hon yn swnio fel y cyfle rydych chi’n chwilio amdano? Hoffech chi gael gwybod mwy? Gweler y Disgrifiad Swydd sydd ynghlwm am ragor o fanylion.

Trafnidiaeth Cymru – yn arwain ar anableddau. Rydyn ni’n fodlon trafod unrhyw addasiadau rhesymol y bydd eu hangen arnoch yn y broses recriwtio neu fel rhan o’r swydd os byddwch chi’n llwyddiannus.

Bydd yr hysbyseb hon yn cau am hanner nos ar y diwrnod cau a nodir uchod. Rydyn ni’n eich annog i gyflwyno eich cais cyn gynted â phosibl.

* Cofiwch ein bod yn cadw’r hawl i gau’r swydd wag hon yn gynnar os daw digon o geisiadau i law.