Cyfle Cyfartal

Mae Trafnidiaeth Cymru yn gwerthfawrogi amrywiaeth. Mae’n ein gwneud yn gryfach, yn ein helpu i ddeall ein cwsmeriaid yn well, i wneud penderfyniadau gwell a bod yn fwy arloesol. Mae pawb yn wahanol ac mae gan bawb eu safbwynt eu hunain felly rydym yn creu tîm amrywiol sy’n adlewyrchu’r cymunedau rydym yn eu gwasanaethu. Drwy hyn, rydym yn benderfynol o fod yn un o gyflogwyr mwyaf cynhwysol Cymru. Rydym yn creu rhwydwaith trafnidiaeth cynhwysol y gall pawb yng Nghymru fod yn falch ohono.

Pwy ydyn ni 

Ein cenhadaeth yn Trafnidiaeth Cymru yw trawsnewid trafnidiaeth yng Nghymru a’i gwneud yn addas ar gyfer y dyfodol, boed hynny ar gyfer rheilffyrdd, bysiau, cerdded neu feicio. Rydyn ni eisiau ysbrydoli cenedl i newid y ffordd maen nhw’n teithio, fel bod pawb yn teithio’n fwy cynaliadwy ac yn helpu i fynd i’r afael â’r argyfwng hinsawdd sy’n wynebu pawb.

Rydyn ni’n lle agored a chynhwysol i weithio, lle mae croeso i bawb a lle caiff ein pobl eu cefnogi i gyflawni eu llawn botensial. Rydyn ni am greu awyrgylch sy’n galluogi ein pobl i dyfu a llwyddo. Mae hyn yn allweddol i’n galluogi i gyflawni’r addewidion rydyn ni wedi’u gwneud i bobl Cymru er mwyn adeiladu rhwydwaith trafnidiaeth gynaliadwy sy’n diwallu eu hanghenion nhw.

Cyfrifoldebau’r swydd

Mae'r swydd hon, sydd wedi'i lleoli'n bennaf yn swyddfa Pullman Rail, yn cefnogi Pullman Rail a grŵp ehangach Trafnidiaeth Cymru drwy gyflawni amrywiaeth o brosesau ariannol craidd sy'n galluogi'r sefydliad i gyflawni ei fusnes yn effeithiol.

• Prosesu anfonebau prynu a nodiadau credyd drwy eu cyfateb ag archebion prynu neu dderbynebau nwyddau yn y system gyllid, drwy gysylltu â chydweithwyr perthnasol lle nad ydy derbynebau neu archebion prynu heb eu talu, a sicrhau bod yr holl gymeradwyaeth angenrheidiol yn cael ei rhoi. Mae hyn yn sicrhau bod cyflenwyr yn cael eu talu'n gywir ac yn brydlon yn unol â pholisi'r sefydliad.
• Cynnal rhediadau talu rheolaidd i gyflenwyr drwy drefnu cyfnodau adolygu ymlaen llaw, gwirio cywirdeb anfonebau a chyfnodolion talu, sefydlu taliadau bancio ar-lein, a chyflwyno manylion i'w hadolygu a'u hawdurdodi. Mae hyn yn sicrhau bod cyfrifon cyflenwyr yn cael eu setlo'n brydlon ac mewn modd sy'n cydymffurfio.
• Monitro cyfrifon banc yn ddyddiol, gan godi postiadau i'r system ariannol ar gyfer pob symudiad banc, gan gynnwys derbynebau cwsmeriaid a thrafodion arian. Cwblhau cysoniadau banc wythnosol a misol i sicrhau bod yr holl drafodion ariannol yn cael eu cofnodi'n gywir a'u rheoli'n briodol.
• Cysoni datganiadau cyflenwyr yn rheolaidd drwy gymharu cofnodion â'r system gyllid i gadarnhau bod yr holl anfonebau a restrir wedi cael eu derbyn a'u prosesu, gan gadw cofnodion cywir a meithrin cysylltiadau cadarnhaol â chyflenwyr.

Am bwy rydyn ni’n chwilio

• Wedi cymhwyso’n rhannol gydag AAT, neu â chymhwyster cyfatebol tebyg
• Profiad o ddefnyddio Excel (tablau pifod, VLookUp ac ati) i lunio adroddiadau
• Profiad blaenorol mewn swydd gyllid, yn gweithio dan bwysau mewn tîm, ac o fewn amserlenni tynn
• Gallu prosesu nifer fawr o anfonebau a gallu delio ag anfonebau cymhleth

Sgiliau Iaith Gymraeg

Byddai’r gallu i sgwrsio ac ysgrifennu yn Gymraeg yn ychwanegiad gwych at eich cais, ond nid yw’n hanfodol ar gyfer y swydd hon.

Mae Trafnidiaeth Cymru yn cefnogi ac yn hybu gweithwyr i ddefnyddio’r Gymraeg, a bydd yn eu hannog i ddatblygu, gwella a chadw eu sgiliau Iaith Gymraeg. Rydym yn rhoi cefnogaeth lawn i staff sydd eisiau gwella eu sgiliau Cymraeg, ac mae datblygiad personol ar gyfer sgiliau Iaith Gymraeg yn cael ei gynnig mewn amrywiaeth o ffyrdd megis dysgu ar-lein, cyrsiau ystafell ddosbarth a chyrsiau cymunedol lleol

Y camau nesaf

A yw’r swydd hon yn swnio fel y cyfle rydych chi’n chwilio amdano? Hoffech chi gael gwybod mwy? Gweler y Disgrifiad Swydd sydd ynghlwm am ragor o fanylion.

Trafnidiaeth Cymru – yn arwain ar anableddau. Rydyn ni’n fodlon trafod unrhyw addasiadau rhesymol y bydd eu hangen arnoch yn y broses recriwtio neu fel rhan o’r swydd os byddwch chi’n llwyddiannus.

Bydd yr hysbyseb hon yn cau am hanner nos ar y diwrnod cau a nodir uchod. Rydyn ni’n eich annog i gyflwyno eich cais cyn gynted â phosibl.

* Cofiwch ein bod yn cadw’r hawl i gau’r swydd wag hon yn gynnar os daw digon o geisiadau i law.