Swydd ddisgrifiad

Ymrwymiad i'r Gymraeg

Mae’r hysbyseb hwn a’r swydd ddisgrifiad llawn ar gael yn Saesneg ac yn Gymraeg fel ei gilydd. Mae croeso i ymgeiswyr gyflwyno ceisiadau a chyfranogi mewn cyfweliadau yn y naill iaith neu’r llall. Gellir dod o hyd i ddisgrifiad swydd Cymraeg o dan y cynwysyddion uchod.

Adeiladu Cwmni Opera’r dyfodol

Rydym ar foment dyngedfennol yn ein hanes.

Cafodd National Opera Cenedlaethol Cymru ei eni yn ysbryd democratiaeth wedi’r rhyfel, wedi’i yrru gan angerdd cenedlaethol dros gyswllt dynol drwy gân. Ym mlwyddyn ei 80fed mlwyddiant, rydym wedi ymrwymo i ailddychmygu’r cwmni fel cwmni opera cyfoes, sy’n addas ar gyfer y 21ain ganrif, sydd wedi’i wreiddio yng Nghymru, ond sy’n rhyngwladol yn ei uchelgais. Rydym eisiau ailddychmygu’r hyn allai opera fod heddiw, gan sefydlu WNOCC fel grym arloesol, dewr a llawen o fewn ecoleg celfyddydau byw’r DU. Rydym eisiau hyrwyddo mwy o amrywiaeth ar ein llwyfannau ac yn ein cynulleidfaoedd a phrofi mai opera yw ffurf gelfyddydol ein hamser.

Yn y bennod nesaf yma, rydym yn chwilio am Gynhyrchydd Gweithredol eithriadol i ymuno gyda’n tîm gweithredol, gan weithio ochr yn ochr â’n Cyd-gyfarwyddwyr i ddarparu cynyrchiadau o’r radd flaenaf, dyfnhau ein perthnasoedd a thyfu cynulleidfaoedd fydd yn cynnal ein dyfodol.

Gyda’r tîm cywir ochr yn ochr â ni, credwn fod hyn yn bosib.

Yn gywir,

Eich Opera Cenedlaethol Cymru / Your Welsh National Opera

Meini Prawf Hanfodol

• Hanes profedig o uwch-arweinyddiaeth o fewn sefydliadau celfyddydol, gan gynnwys gosod cyfeiriad, darparu deilliannau dros sawl blwyddyn ac arwain ac ysbrydoli timau amrywiol a chymhleth.
• Profiad sylweddol o gynhyrchu o fewn y theatr a/neu berfformiadau byw ar raddfa fawr.
• Hanes profedig o ddylunio a chyflawni yn erbyn cyllidebau cymhleth, gan ddarparu trosolwg ariannol ac atebolrwydd.
• Profiad amlwg a sgiliau uwch amlwg yn arwain negodi a chytundebu.
• Rhwydweithiau cryf ar draws y diwydiannau celfyddydol a chreadigol a hanes profedig o ddylunio cydweithrediadau creadigol a phartneriaethau.
• Sgiliau rhyngbersonol a sgiliau rheoli rhanddeiliaid eithriadol.
• Dealltwriaeth a gwybodaeth o Gredyd Treth Theatr a Chredyd Treth Cerddorfa.
• Profiad o fod ar daith yn y DU.
• Angerdd ar gyfer ymgysylltu gydag ieuenctid a chymuned a gwybodaeth o arfer gorau a diogelu cyfoes.
• Gwybodaeth bresennol o ddiwylliant Cymru a/neu ymrwymiad cryf i ddysgu.
• Mae’r cynnig swydd yn ddibynnol ar wiriad DBS llwyddiannus, gan y byddant yn goruchwylio gwaith gyda phlant ac oedolion sy’n agored i niwed.

Meini Prawf Dymunol

• Gwybodaeth o Opera a cherddoriaeth glasurol.
• Profiad o ddefnyddio meddalwedd cynllunio ac amserlennu digwyddiadau, e.e. DIESE.
• Y gallu i gyfathrebu yn Gymraeg, neu ymrwymiad gweithredol i ddysgu’r iaith fel rhan o ddatblygiad proffesiynol parhaus, gan gydnabod ei phwysigrwydd i ddiwylliant Cymru ac i ymgysylltiad WNOCC gyda’i gymunedau.
• Gwybodaeth am arwain mentrau cynaliadwyedd yn y sector celfyddydau, gan gynnwys Theatre Green Book neu fframweithiau cyfatebol, a’u gweithrediad strategol.
• Ymrwymiad profedig i fewnosod amrywiaeth, ymdeimlad o berthyn, cynhwysedd a chydraddoldeb o fewn strategaeth sefydliadol, wedi’i alinio gyda chenhadaeth y cwmni i gael gwared ar rwystrau i gymunedau sydd wedi’u hymyleiddio o fewn y sector diwylliant.

Ein Hymrwymiad i Amrywiaeth a Chynhwysiant

Rydym yn cydnabod bod pobl dalentog weithiau yn oedi rhag ymgeisio oni bai eu bod yn bodloni pob gofyn. Mae ymchwil yn dangos bod hyn yn arbennig o wir o ran merched, unigolion, LHDTCRhA+, pobl anabl a niwrowahanol, a rhai o gefndiroedd dosbarth gweithiol.

Os yw hon yn teimlo fel eich rôl ddelfrydol, hyd yn oed oes nad yw eich profiad yn alinio’n berffaith gyda phob un o’r meini prawf, rydym yn eich annog chi i ymgeisio beth bynnag. Gallai eich safbwynt a’ch profiad fod yn union yr hyn rydym ei angen er mwyn helpu i adeiladu cwmni opera’r dyfodol.

Addasiadau Rhesymol

Mae WNOCC wedi ymrwymo i broses recriwtio hygyrch a chynhwysol. Os ydych angen unrhyw addasiadau er mwyn cefnogi eich cais neu eich cyfweliad, dylech ebostio recruitment@wno.org.uk. Rydym wedi ymrwymo i’ch cefnogi chi ar bob cam o’r broses.

Cynllun Gwarantu Cyfweliad (GIS)

Mae WNOCC yn gweithredu Cynllun Gwarantu Cyfweliad ar gyfer ymgeiswyr sy’n bodloni’r meini prawf hanfodol ac sy’n hunan-adnabod fel Person o’r Mwyafrif Byd-eang, person anabl, neu fel bod yn niwrowahanol.

Gall ymgeiswyr cymwys wneud cais am ystyriaeth o dan y cynllun drwy ebostio recruitment@wno.org.uk. Mae rhagor o wybodaeth ar gael yn y swydd ddisgrifiad.

Ceisiadau Rhyngwladol

Croesewir ymgeiswyr sydd wedi’u lleoli yn y DU neu’n rhyngwladol. Gall WNOCC gefnogi ceisiadau fisa Gweithiwr Medrus ar gyfer ymgeiswyr llwyddiannus, yn ddibynnol ar ofynion y Swyddfa Gartref a gallu ariannol. Anogir ymgeiswyr sydd angen nawdd ddynodi hyn o fewn eu cais.

Sut i Ymgeisio

Am ragor o wybodaeth, lawrlwythwch y swydd ddisgrifiad llawn os gwelwch yn dda.

Os hoffech chi gael sgwrs anffurfiol ynghylch y rôl, eich bod angen addasiadau rhesymol yn ystod y broses recriwtio, neu eich bod yn teimlo nad yw’r ffurflen gais ar-lein yn hygyrch i chi, cysylltwch os gwelwch yn dda gyda: recruitment@wno.org.uk.