3 swydd ar gael. 2 gyda'r Gymraeg yn ddymunol ac 1 gyda'r Gymraeg yn hanfodol. Mae'r wybodaeth yn yr hysbyseb hon ar gyfer y swydd lle mae'r Gymraeg yn hanfodol. Gallwch ddod o hyd i'r hysbyseb arall drwy chwilio am "Penodiadau Cyhoeddus Llywodraeth Cymru".

Diolch am eich diddordeb yn y penodiad i fod yn Gomisiynydd i Gomisiwn Democratiaeth a Ffiniau Cymru. Mae hwn yn gyfnod hynod gyffrous i ymuno â’r Comisiwn Democratiaeth a Ffiniau Cymru. Yn ogystal â'i ddiben craidd o fonitro'r ffiniau ar gyfer llywodraeth leol yng Nghymru, mae'r Comisiwn wedi ymgymryd â chyfrifoldebau newydd gan gynnwys adolygu ffiniau etholaethol y Senedd, cynnal y Bwrdd Rheoli Etholiadol, a goruchwylio tâl cynghorwyr. Gyda'r cyfrifoldebau newydd hyn, a'r angen i sefydlu etholaethau hollol newydd ar gyfer y Senedd, y bydd ymgeiswyr yn sefyll ynddynt yn etholiad 2030, mae'r Comisiwn ar flaen y gad o ran llunio tirwedd ddemocrataidd Cymru. Bydd y Comisiynwyr yn chwarae rôl bwysig wrth lywio'r mentrau hyn gydag awdurdod ac uniondeb.