Cyfle i fod yn chi. 

Cyfle i gael eich grymuso. 

Cyfle i fod yn un o raddedigion Trafnidiaeth Cymru. 

Unigolyn Graddedig Rheoli Prosiectau Bysiau 

Lleoliad: Pontypridd neu Wrecsam 

Math o gontract: Cyfnod penodol o 22 mis 

Mae’r swydd hon yn cynnig gweithio hybrid o swyddfa Pontypridd/Wrecsam ac o gartref, oriau gweithio hyblyg a theithio’n achlysurol i’r safle neu leoliadau swyddfa eraill yn ôl yr angen 

Ein Cynllun Arweinwyr y Dyfodol i Raddedigion 

P’un a ydych chi’n pontio o fyd addysg neu eisiau datblygu eich sgiliau arwain, mae ein cynllun wedi’i gynllunio i’ch helpu chi sbarduno eich gyrfa a gwneud gwahaniaeth go iawn yng Nghymru. 

Beth fydd fy nghyfrifoldebau? 

Bydd gan yr Unigolyn Graddedig Rheoli Prosiectau Bysiau ran allweddol yn y gwaith o gefnogi'r broses o gyflawni rhaglen newid Bysiau sylweddol yng Nghymru, sy'n tynnu ynghyd nifer o brosiectau a gweithgareddau, gan gynnwys, ond heb fod yn gyfyngedig i, gynllunio rhwydweithiau bysiau newydd, prynu/adeiladu depos, fflyd a thechnoleg ar y bysiau. 

A oes unrhyw ofynion hanfodol? 

• Gradd mewn trafnidiaeth, rheoli busnes/prosiect neu ddisgyblaeth STEM, er y bydd pynciau perthnasol eraill yn cael eu hystyried.
• Gallu rheoli amser a blaenoriaethau’n effeithiol, gan gydbwyso llwyth gwaith i gyflawni deilliannau ac amcanion allweddol.
• Profiad o gyfrannu at brosiectau fel unigolyn ac fel aelod o dîm.
• Gallu cydweithio ag amrywiaeth o randdeiliaid mewnol ac allanol i gyflawni deilliannau'r prosiect.
• Dangos eich bod yn alinio â'n rhinweddau a'n gwerthoedd craidd i raddedigion, sydd i'w gweld isod.

Dylech chi gynnwys eich holl gymwysterau perthnasol, yn enwedig y rhai a restrir yn y meini prawf hanfodol a dymunol ar gyfer y swydd. Efallai na fyddwn yn gallu ystyried eich cais fel arall. 

Sylwch, i fod yn gymwys ar gyfer ein Cynllun i Raddedigion, mae'n rhaid bod llai na 2 flynedd wedi bod ers i chi raddio pan fyddwch yn gwneud cais neu eich bod wedi graddio erbyn y bydd y cynllun yn dechrau. Bydd angen i chi fod ar gael i ddechrau’r Cynllun i Raddedigion ddechrau mis Medi 2026. 

Sylwch, mae’n rhaid i chi fod â’r hawl berthnasol i weithio yn y DU ar ôl llwyddo i gael eich penodi i’r swydd.  Dydyn ni ddim yn gallu darparu nawdd ar hyn o bryd. 

Sgiliau Cymraeg 

Rydyn ni’n croesawu ceisiadau gan bobl sy’n gallu siarad neu ysgrifennu yn Gymraeg, ond nid yw’n hanfodol ar gyfer y swydd hon. 

Y Camau Nesaf 

Ai dyma’r cyfle iawn i chi? Cymerwch gip ar y disgrifiad swydd sydd wedi’i atodi i gael gwybod mwy neu cysylltwch ag aelod o’n tîm Doniau Cynnar i gael sgwrs. 

Diwrnod Asesu 

Os bydd eich cais yn llwyddiannus, byddwn ni’n eich gwahodd chi i ddiwrnod asesu cyfeillgar a hamddenol, gyda chyfweliad terfynol i ddilyn. 

Cyfle Cyfartal 

Ddim yn siŵr a ydych chi’n bodloni pob gofyniad? Mae ymchwil yn dangos y gallai rhai pobl, gan gynnwys menywod a phobl o grwpiau lleiafrifol, oedi cyn ymgeisio oni bai eu bod yn teimlo’n gwbl gymwys. Os yw'r cyfle hwn o ddiddordeb i chi a’ch bod yn bodloni'r gofyniadau hanfodol o fod â gradd berthnasol, rydyn ni’n eich annog i wneud cais - gallai eich sgiliau, eich profiad a'ch safbwynt unigryw chi fod yn berffaith i ni.  

Rydyn ni am i bawb deimlo eu bod yn cael eu croesawu, eu cynnwys a’u gwerthfawrogi. Mae tîm amrywiol, sy’n cynrychioli pob rhan o gymdeithas, yn ein helpu i gyflawni ein gorau. Rydyn ni’n chwilio am bobl dalentog, waeth beth fo’u cefndir. 

Os oes angen unrhyw addasiadau rhesymol neu gymorth ychwanegol arnoch chi yn ystod y broses ymgeisio neu asesu, cofiwch roi gwybod i ni. Rydyn ni yma i’ch cefnogi chi ar bob cam. 

Gwybodaeth Arall 

Yn TrC, rydyn ni’n awyddus i weld eich sgiliau, eich potensial a’ch brwdfrydedd. Er ein bod yn llwyr gefnogi defnyddio deallusrwydd artiffisial fel adnodd dysgu, rydyn ni am asesu ymgeiswyr ar sail eu galluoedd eu hunain. Felly, rhaid cwblhau ceisiadau heb gymorth deallusrwydd artiffisial. Os byddwn ni’n canfod cynnwys deallusrwydd artiffisial, yn anffodus ni fyddwn yn gallu ystyried y cais. 

Bydd yr hysbyseb hon yn cau am hanner nos ar y dyddiad cau a nodir uchod. Rydyn ni’n eich annog i gyflwyno eich cais cyn gynted â phosibl. 

Cofiwch ein bod yn cadw’r hawl i gau’r swydd wag hon yn gynnar os bydd digon o geisiadau wedi dod i law.