Swyddog Amlgyfrwng - Tymor penodol tan 30 Hydref 2026
Caerdydd a Llandudno (gyda chyfleoedd gwaith hybrid)
Amdanom ni
Mae Gofal Cymdeithasol Cymru’n darparu arweinyddiaeth ac arbenigedd ym maes gofal cymdeithasol a’r blynyddoedd cynnar yng Nghymru.
Ein gweledigaeth yw gwneud gwahaniaeth cadarnhaol i ofal a chymorth i blant, oedolion, a’u teuluoedd a’u gofalwyr.
I wneud hyn, rydym yn arwain ar ddatblygu a rheoleiddio'r gweithlu gofal cymdeithasol, gwella gwasanaethau, data ac ymchwil i wella gofal.
Rydym nawr yn chwilio am Swyddog Amlgyfrwng i ymuno â ni ar sail amser llawn, gan weithio 36 awr yr wythnos ar gyfer contract tymor penodol tan 30 Hydref 2026, gyda'r posibilrwydd o estyniad.
Cynigir y rôl hon gydag opsiynau gweithio hyblyg, a byddwn yn ystyried ymgeiswyr fel rhan o rannu swydd.
Y Manteision
- Cyflog o £36,948 - £39,066 y flwyddyn
- 28 diwrnod o wyliau ynghyd â gwyliau banc (yn cynyddu gyda hyd gwasanaeth)
- Diwrnodau ychwanegol i ffwrdd rhwng y Nadolig a'r Flwyddyn Newydd
- Cynllun pensiwn llywodraeth leol
- Polisi gweithio hyblyg
- Polisi absenoldeb teuluol
Y Rôl
Fel Swyddog Amlgyfrwng, byddwch yn goruchwylio ein hystâd ddigidol, gan weithredu fel ein harbenigwr cyfryngau a datblygu cynnwys ar gyfer amrywiaeth o sianeli cyfathrebu digidol.
Yn benodol, byddwch yn cynhyrchu cynnwys creadigol, sy'n canolbwyntio ar y defnyddiwr, ar gyfer ein gwefan, llwyfannau cyfryngau cymdeithasol, a deunyddiau all-lein. Gan farchnata a chyfleu cynnwys i gynulleidfaoedd targed, byddwch yn defnyddio data a thystiolaeth i wneud penderfyniadau gwybodus am anghenion y gynulleidfa a'r ffordd orau o ymgysylltu â nhw.
Byddwch hefyd yn cyfrannu at ddatblygu ein hystâd we, gan sicrhau ei bod yn adlewyrchu anghenion defnyddwyr, safonau hygyrchedd, a'n hunaniaeth sefydliadol, wrth gynghori cydweithwyr ar sut y gellir defnyddio amlgyfrwng i dargedu cynulleidfaoedd penodol a gyrru ymgysylltiad.
Yn ogystal, byddwch yn:
- Meithrin perthnasoedd gwaith cadarnhaol gyda chydweithwyr, gan gynnwys uwch reolwyr
- Cydweithio ar draws timau i greu cynnwys amlgyfrwng
- Rhoi cyngor i gydweithwyr ynghylch dylunio cynnwys amlgyfrwng
- Hyrwyddo dulliau dylunio sy'n canolbwyntio ar y defnyddiwr
Amdanoch Chi
Er mwyn i chi gael eich ystyried yn Swyddog Amlgyfrwng, bydd angen y canlynol arnoch:
- Profiad o weithio fel datblygwr cynnwys amlgyfrwng
- Profiad o ddulliau sy'n canolbwyntio ar y defnyddiwr wrth gynhyrchu cynnwys ac ymgyrchoedd cyfathrebu
- Gwybodaeth ymarferol dda o feddalwedd greadigol fel Adobe Creative Cloud, Final Cut Pro neu DaVinci Resolve
- Dealltwriaeth dda o ieithoedd rhaglennu datblygu gwe, systemau rheoli cynnwys gwefannau (CMS), ac optimeiddio peiriannau chwilio (SEO)
- Gwybodaeth ymarferol o lwyfannau cyfryngau cymdeithasol
- Y gallu i ddadansoddi a dehongli data
- Hyfedredd gyda Microsoft Office 365 a'i offer cynhyrchiant
- Gradd neu brofiad cyfatebol mewn amlgyfrwng, cyfryngau, dylunio a chyfathrebu, neu farchnata digidol
Y dyddiad cau ar gyfer y rôl hon yw 19 Hydref 2025.
Gellir gwneud addasiadau yn ystod unrhyw ran o'r broses recriwtio ar gyfer ymgeiswyr ag anabledd, nam neu gyflwr iechyd, sy'n niwro-wahanol neu sy'n defnyddio Iaith Arwyddion Prydain. Cysylltwch â’r tim Adnoddau Dynol i drafod addasiadau ar gyfer unrhyw ran o'r broses.
Mae'n rhaid i chi fod wedi eich lleoli yn y DU i wneud cais am y rôl hon ac yn gallu ymweld ag un o'r swyddfeydd datganedig yn ôl yr angen.
Gall sefydliadau eraill alw'r rôl hon yn Swyddog Cynnwys Digidol, Datblygwr Cynnwys Amlgyfrwng, Swyddog Cyfathrebu Digidol, neu Swyddog Cyfryngau Creadigol.
Felly, os ydych chi am ymgymryd â rôl ddiddorol fel Swyddog Amlgyfrwng, gwnewch gais trwy'r botwm a ddangosir. Mae'r swydd wag hon yn cael ei hysbysebu gan Webrecruit. Y gwasanaethau a hysbysebir gan Webrecruit yw rhai Asiantaeth Gyflogaeth.
