Pam ymuno â S4C?
Yn S4C, rydyn ni’n angerddol am greu amgylchedd gwaith positif, egnïol a chynhwysol sy’n adlewyrchu ein gwerthoedd craidd:
Ar Dy Orau, Balch o S4C, Dathlu pawb, Cer Amdani. Mae hwn yn gyfnod cyffrous i ymuno â’n tîm wrth i ni barhau i feithrin diwylliant gwaith sy’n rhoi pobl wrth galon y sefydliad. Rydyn ni'n chwilio am unigolyn dynamig, empathetig ac egnïol sy’n byw ein gwerthoedd craidd i ymuno â’n tîm Pobl a Diwylliant fel Partner Busnes.
Trosolwg y Swydd
Byddwch yn rhan allweddol o dîm sy’n gweithredu’n strategol ac yn ymarferol, gan ddarparu cefnogaeth Adnoddau Dynol ar draws y sefydliad yn unol â model partneru busnes. Byddwch yn gyfrifol yn bennaf am yr tîm Corfforaethol: o hyfforddiant a datblygu, i absenoldeb a chyflogres, i recriwtio a pholisïau. Byddwch yn gweithio’n agos gyda’r Cyfarwyddwr Pobl a Diwylliant i greu dulliau sy’n cefnogi ein strategaeth, gan ddefnyddio data ac adborth i wella’n barhaus.
Mae hon yn rôl sy'n hynod bwysig ac yn weladwy iawn ar bob lefel. Bydd gofyn i chi feithrin perthnasoedd cryf a dibynadwy ar draws y sefydliad trwy gwreiddio’n Cod Diwylliant ymhob rhan o’r gwaith ac ymddygiad gan hyrwyddo tegwch a chynhwysiant yn y gweithle.
Byddwch hefyd yn arwain ar rai meysydd penodol, gall gynnwys:
Llesiant, Cydraddoldeb ac Amrywiaeth, Tâl a Gwobrwyo, Iechyd a Diogelwch, Systemau a Phrosesau – ymhlith eraill! Mae’r rôl hefyd yn cynnwys gweithio ar brosiectau penodol fydd yn herio ac yn datblygu’ch sgiliau ymhellach.
Manylion Pellach
Lleoliad: Caerfyrddin / Caerdydd / Caernarfon (o leiaf 2 diwrnod mewn swyddfa).
Cyflog: £43,970 y flwyddyn
Contract: 12 mis
Cyfnod Prawf: 6 mis
Oriau: Hyd at 35.75 awr yr wythnos
Gwyliau: Yn ogystal â’r gwyliau banc statudol, bydd gennych hawl i 26 diwrnod o wyliau â thâl y flwyddyn. (Sylwer: bydd y nifer hwn yn cael ei gyfrifo'n ôl y gyfradd pro rata os ydych yn gweithio’n rhan amser).
Pensiwn: Mae staff cyflogedig yn gymwys i ymuno â Chynllun Pensiwn Personol Grŵp yn amodol ar delerau unrhyw gynllun presennol a all gael ei ddiwygio o bryd i’w gilydd. Os ydych yn aelod o’r Cynllun Pensiwn Personol Grŵp, bydd S4C yn cyfrannu 10% o’ch cyflog sylfaenol i’r Cynllun. Disgwylir i chi gyfrannu 5%.
Ceisiadau
Dylid anfon ceisiadau erbyn 9.00 ar ddydd Llun 8 Rhagfyr 2025 at Pobl@s4c.cymru neu Pobl a Diwylliant, Canolfan S4C, Yr Egin, Caerfyrddin, SA31 3EQ.
Ni dderbynnir CV.
Mae croeso i geisiadau gael eu cyflwyno yn y Gymraeg. Ni chaiff cais a gyflwynir yn y Gymraeg ei drin yn llai ffafriol na chais a gyflwynir yn Saesneg.
