Cyfle i weithio yng nghalon Llywodraeth Cymru

Mae Llywodraeth Cymru ar hyn o bryd yn recriwtio ar gyfer nifer o rolau Cymraeg hanfodol yn is-adran y Swyddfeydd Preifat ac Ysgrifenyddiaeth y Cabinet.

Bydd y swyddi hyn yn rhoi cyfle unigryw i weithio’n agos gyda Gweinidogion ac uwch arweinwyr, gan fod yng nghanol sut mae Llywodraeth Cymru yn gweithredu o ddydd i ddydd.

Os ydych chi – neu rywun rydych chi’n ei adnabod – yn chwilio am her newydd ac eisiau gwneud gwir wahaniaeth yng nghanol y llywodraeth, gallai hyn fod yn gyfle perffaith.

Darganfyddwch fwy a gwnewch gais yma.

Dyddiad cau: 12 Tachwedd 2025

Wrth inni edrych ymlaen at ddiwygio'r Senedd, mae'n amser cyffrous i ymuno â Llywodraeth Cymru mewn rôl sydd yng nghanol y broses o wneud penderfyniadau. 
Mae gweithio mewn Swyddfa Breifat yn cynnig cyfle unigryw i weithio'n uniongyrchol gyda Gweinidogion mewn amgylchedd proffil uchel, sy'n symud yn gyflym. Mae'n gam gwerthfawr ymlaen mewn unrhyw yrfa yn y gwasanaethau cyhoeddus, gan gynnig cipolwg ar sut mae llywodraeth yn gweithredu a sut mae polisi yn cael ei lunio. 

Pwrpas y Swydd

Er mwyn cefnogi'r Swyddfa Breifat i redeg yn effeithiol, byddwch yn gweithio o dan gyfarwyddyd Ysgrifennydd Preifat ac yn cymryd cyfrifoldeb am un o'r rolau allweddol canlynol: 

• Ysgrifennydd Preifat Cynorthwyol: delio o ddydd i ddydd â chyngor a gwybodaeth friffio i Ysgrifenyddion y Cabinet a Gweinidogion. Mae'r rôl yn gofyn am hyblygrwydd gwirioneddol a'r gallu i amldasgio, gan y gall amrywio yn dibynnu ar anghenion busnes. Mae angen ichi fod yn rhywun sy'n gallu meithrin perthnasoedd personol cryf, cyflawni canlyniadau, dangos doethineb o'r radd flaenaf, rhoi sylw cadarn i fanylion, a gweithio ar y cyd ag eraill. 

• Ysgrifennydd Dyddiadur: Sicrhau bod diwrnod Ysgrifennydd y Cabinet/y Gweinidog yn rhedeg yn effeithlon a bod ei amser yn cael ei reoli'n effeithiol, yn ogystal â gallu cydgysylltu ei wybodaeth friffio a rheoli gohebiaeth yn effeithiol. Mae'r rôl hanfodol hon yn gofyn am sgiliau rhyngbersonol rhagorol, sylw i fanylion, a'r gallu i flaenoriaethu tasgau lluosog mewn amgylchedd deinamig, sy'n symud yn gyflym.