Cyfle i weithio yng nghalon Llywodraeth Cymru

Mae Llywodraeth Cymru ar hyn o bryd yn recriwtio ar gyfer nifer o rolau Cymraeg hanfodol yn is-adran y Swyddfeydd Preifat ac Ysgrifenyddiaeth y Cabinet.

Bydd y swyddi hyn yn rhoi cyfle unigryw i weithio’n agos gyda Gweinidogion ac uwch arweinwyr, gan fod yng nghanol sut mae Llywodraeth Cymru yn gweithredu o ddydd i ddydd.

Os ydych chi – neu rywun rydych chi’n ei adnabod – yn chwilio am her newydd ac eisiau gwneud gwir wahaniaeth yng nghanol y llywodraeth, gallai hyn fod yn gyfle perffaith.

Darganfyddwch fwy a gwnewch gais yma.

Dyddiad cau: 12 Tachwedd 2025

Wrth inni edrych ymlaen at ddiwygio'r Senedd, mae'n amser cyffrous i ymuno â Llywodraeth Cymru mewn rôl sydd yng nghanol y broses o wneud penderfyniadau. 

Mae gweithio mewn Swyddfa Breifat yn cynnig cyfle unigryw i weithio'n uniongyrchol gyda Gweinidogion mewn amgylchedd proffil uchel, sy'n symud yn gyflym. Mae'n gam gwerthfawr ymlaen mewn unrhyw yrfa yn y gwasanaethau cyhoeddus, gan gynnig cipolwg ar sut mae llywodraeth yn gweithredu a sut mae polisi yn cael ei lunio. 

Pwrpas y Swydd 

Darparu cymorth gweinyddol a strategol effeithiol, o ddydd i ddydd i un o Weinidogion Llywodraeth Cymru, fel aelod allweddol o dîm Swyddfa Breifat bach, proffil uchel. Mae'r rôl hon sy'n symud yn gyflym yn ganolog i waith y llywodraeth, gan gynnig cyfle unigryw i weithio'n agos gyda Gweinidogion ac uwch-swyddogion. Bydd deiliad y swydd yn chwarae rhan hanfodol wrth reoli cyfathrebu, cydgysylltu blaenoriaethau, a sicrhau bod busnes Gweinidogol yn rhedeg yn effeithiol, gan ddatblygu gwybodaeth werthfawr am sut mae llywodraeth yn gweithredu. 

I gael rhagor o wybodaeth am fanteision gweithio yn Llywodraeth Cymru ac i ddysgu am ein Swyddfeydd Preifat ac Ysgrifenyddiaeth y Cabinet, dilynwch y ddolen hon: 

Gyrfaoedd yn y swyddfa breifat ac yn ysgrifenyddiaeth y cabinet | LLYW.CYMRU