Bod yn chi eich hun 

Bod yn rymus 

Bod yn un o raddedigion Trafnidiaeth Cymru 

Graddedig Rheoli Prosiectau Seilwaith 

Math o gontract: Cyfnod penodol o 22 mis 

Ein Cynllun Arweinwyr y Dyfodol i Raddedigion 

P’un a ydych chi’n pontio o fyd addysg neu eisiau datblygu eich sgiliau arwain, mae ein cynllun i raddedigion yn gyfle i gyflymu eich gyrfa.  

Beth fyddai fy nghyfrifoldebau? 

Bydd deiliad y swydd yn cyfrannu at lwyddiant y tîm drwy gynorthwyo prosiectau; gan gynnwys adolygu/cynhyrchu dogfennau, gweinyddu, ac ymgymryd â thasgau cyflawni prosiectau, i sicrhau bod y tîm yn darparu manteision arfaethedig y prosiectau.  

A oes unrhyw ofynion hanfodol?  

• Gradd berthnasol, ee peirianneg/busnes/rheoli prosiectau. 

• Sgiliau cyfathrebu effeithiol, ar lafar ac ar bapur, gyda’r gallu i gyflwyno gwybodaeth i bobl ar bob lefel. 

• Gallu defnyddio amrywiaeth o feddalwedd TG i ddehongli ac arddangos data/gwybodaeth am brosiectau. Fel isafswm byddwch yn gallu defnyddio meddalwedd Microsoft Office yn fedrus. 

• Gallu blaenoriaethu tasgau a rheoli amser i gyflawni terfynau amser a gweithio’n annibynnol ar ôl cael cyfarwyddyd ac arweiniad. 

Sgiliau Cymraeg 

Rydyn ni’n croesawu pobl sy’n gallu siarad neu ysgrifennu yn Gymraeg, ond nid yw’n hanfodol ar gyfer y swydd hon. 

Y camau nesaf 

Ai dyma’r cyfle iawn i chi? Cymerwch gip ar y disgrifiad swydd sydd wedi’i atodi i ddysgu mwy neu cysylltwch ag aelod o’n tîm Doniau Cynnar i gael sgwrs. 

Cyfle cyfartal 

Ddim yn siŵr a ydych chi’n bodloni pob gofyniad? Mae ymchwil yn dangos y gallai rhai pobl, gan gynnwys menywod a’r rheini o grwpiau lleiafrifol, oedi cyn ymgeisio oni bai eu bod yn teimlo’n gwbl gymwys. Os yw'r cyfle hwn o ddiddordeb i chi a’ch bod yn bodloni'r gofyniad hanfodol o gael gradd berthnasol, rydyn ni’n eich annog i wneud cais - gallai eich sgiliau, eich profiad a'ch safbwynt unigryw chi fod yn berffaith i ni.  

Rydyn ni am i bawb deimlo eu bod yn cael eu croesawu, eu cynnwys a’u gwerthfawrogi. Mae tîm amrywiol, sy’n cynrychioli pob rhan o gymdeithas, yn ein helpu i gyflawni ein gorau. Rydyn ni’n chwilio am bobl dalentog, waeth beth fo’u cefndir.  

Os oes angen unrhyw addasiadau rhesymol neu gymorth ychwanegol arnoch chi yn ystod y broses ymgeisio neu asesu, rhowch wybod i ni. Rydyn ni yma i’ch cefnogi chi ar bob cam.