Bod yn chi eich hun 

Bod yn rymus 

Bod yn un o raddedigion Trafnidiaeth Cymru 

Graddedig Adnoddau Dynol 

Math o gontract: Cyfnod penodol o 22 mis 

Ein Cynllun Arweinwyr y Dyfodol i Raddedigion 

P’un a ydych chi’n pontio o fyd addysg neu eisiau datblygu eich sgiliau arwain, mae ein cynllun i raddedigion yn gyfle i gyflymu eich gyrfa.  

Beth fyddai fy nghyfrifoldebau? 

Byddwch chi’n cyfrannu at ddatblygu a darparu gwasanaethau pobl ar draws Trafnidiaeth Cymru gan sicrhau bod polisïau, gweithdrefnau a phrosesau ar waith ac yn cael eu dilyn. Byddwch chi hefyd yn sicrhau bod prosiectau pobl yn cael eu cyflawni’n brydlon ac yn cyfrannu at y cynllun pobl cyffredinol.  

A oes unrhyw ofynion hanfodol? 

• Gradd/Gradd-brentisiaeth mewn pwnc perthnasol fel Adnoddau Dynol neu Reoli Busnes gyda modiwl Adnoddau Dynol. 

• Diddordeb brwd i ddilyn gyrfa ym maes Adnoddau Dynol.  

• Ymwybyddiaeth o Gyfraith Cyflogaeth y DU.  

• Gallu cyfathrebu’n hyderus mewn ffordd sy'n dwyn perswâd ar lafar ac ar bapur, gan ddangos y gallu i ddylanwadu a dewis dull cyfathrebu priodol sy’n addas ar gyfer y gynulleidfa. 

• Gallu canfod, dadansoddi a dehongli gwybodaeth berthnasol o amrywiaeth o ffynonellau er mwyn datrys problemau mewn ffordd greadigol a datblygu datrysiadau gwybodus. 

Sgiliau Cymraeg 

Rydyn ni’n croesawu pobl sy’n gallu siarad neu ysgrifennu yn Gymraeg, ond nid yw’n hanfodol ar gyfer y swydd hon. 

Y camau nesaf 

Ai dyma’r cyfle iawn i chi? Cymerwch gip ar y disgrifiad swydd sydd wedi’i atodi i ddysgu mwy neu cysylltwch ag aelod o’n tîm Doniau Cynnar i gael sgwrs. 

Cyfle cyfartal 

Ddim yn siŵr a ydych chi’n bodloni pob gofyniad? Mae ymchwil yn dangos y gallai rhai pobl, gan gynnwys menywod a’r rheini o grwpiau lleiafrifol, oedi cyn ymgeisio oni bai eu bod yn teimlo’n gwbl gymwys. Os yw'r cyfle hwn o ddiddordeb i chi a’ch bod yn bodloni'r gofyniad hanfodol o gael gradd berthnasol, rydyn ni’n eich annog i wneud cais - gallai eich sgiliau, eich profiad a'ch safbwynt unigryw chi fod yn berffaith i ni.  

Rydyn ni am i bawb deimlo eu bod yn cael eu croesawu, eu cynnwys a’u gwerthfawrogi. Mae tîm amrywiol, sy’n cynrychioli pob rhan o gymdeithas, yn ein helpu i gyflawni ein gorau. Rydyn ni’n chwilio am bobl dalentog, waeth beth fo’u cefndir.  

Os oes angen unrhyw addasiadau rhesymol neu gymorth ychwanegol arnoch chi yn ystod y broses ymgeisio neu asesu, rhowch wybod i ni. Rydyn ni yma i’ch cefnogi chi ar bob cam.