Bod yn chi eich hun 

Bod yn rymus 

Bod yn un o raddedigion Trafnidiaeth Cymru 

Graddedig Cyllid

Math o gontract: Rhaglen wedi'i diffinio sy’n para tair neu bedair blynedd (wedi’i theilwra i’r cymhwyster proffesiynol o’ch dewis), rhwng 34 a 46 mis o gontract cyfnod penodol 

Ein Cynllun Arweinwyr y Dyfodol i Raddedigion 

P’un a ydych chi’n pontio o fyd addysg neu eisiau datblygu eich sgiliau arwain, mae ein cynllun i raddedigion yn gyfle i gyflymu eich gyrfa.  

Beth fyddai fy nghyfrifoldebau? 

Byddwch yn cyfrannu at ddatblygu a darparu gwasanaethau trafnidiaeth gynaliadwy, gan weithio fel rhan o dîm i sicrhau’r gwerth gorau am arian, gan ddarparu gwybodaeth i hybu effeithlonrwydd a chynhyrchiant busnes, cynyddu refeniw a diogelu adnoddau TrC. 

A oes unrhyw ofynion hanfodol? 

• Cymhwyster gradd/gradd-brentisiaeth mewn maes perthnasol gyda chynnwys dadansoddol a rhifiadol.  

• Sgiliau rhifiadol a dadansoddol rhagorol 

• Sgiliau TG uwch gan gynnwys sgiliau Microsoft Excel, gyda phrofiad o ddadansoddi / modelu data.  

• Sgiliau cyfathrebu rhagorol ar lafar ac ar bapur. 

• Gallu trefnu a chynllunio eich amser eich hun wrth reoli blaenoriaethau sy’n cystadlu â’i gilydd. 

• Gallu gweithio fel rhan o dîm, yn llawn hunangymhelliant ac yn awyddus i gyflawni gwelliannau. 

Sgiliau Cymraeg 

Rydyn ni’n croesawu pobl sy’n gallu siarad neu ysgrifennu yn Gymraeg, ond nid yw’n hanfodol ar gyfer y swydd hon. 

Y camau nesaf 

Ai dyma’r cyfle iawn i chi? Cymerwch gip ar y disgrifiad swydd sydd wedi’i atodi i ddysgu mwy neu cysylltwch ag aelod o’n tîm Doniau Cynnar i gael sgwrs. 

Cyfle cyfartal 

Ddim yn siŵr a ydych chi’n bodloni pob gofyniad? Mae ymchwil yn dangos y gallai rhai pobl, gan gynnwys menywod a’r rheini o grwpiau lleiafrifol, oedi cyn ymgeisio oni bai eu bod yn teimlo’n gwbl gymwys. Os yw'r cyfle hwn o ddiddordeb i chi a’ch bod yn bodloni'r gofyniad hanfodol o gael gradd berthnasol, rydyn ni’n eich annog i wneud cais - gallai eich sgiliau, eich profiad a'ch safbwynt unigryw chi fod yn berffaith i ni.  

Rydyn ni am i bawb deimlo eu bod yn cael eu croesawu, eu cynnwys a’u gwerthfawrogi. Mae tîm amrywiol, sy’n cynrychioli pob rhan o gymdeithas, yn ein helpu i gyflawni ein gorau. Rydyn ni’n chwilio am bobl dalentog, waeth beth fo’u cefndir.  

Os oes angen unrhyw addasiadau rhesymol neu gymorth ychwanegol arnoch chi yn ystod y broses ymgeisio neu asesu, rhowch wybod i ni. Rydyn ni yma i’ch cefnogi chi ar bob cam.