Aelod o'r Grŵp Cyfeirio Cydraddoldeb, Amrywiaeth a Chynhwysiant
Caerdydd, CF10

Amdanom Ni

Mae Gofal Cymdeithasol Cymru’n darparu arweinyddiaeth ac arbenigedd ym maes gofal cymdeithasol a’r blynyddoedd cynnar yng Nghymru. Ein gweledigaeth yw gwneud gwahaniaeth cadarnhaol i ofal a chymorth i blant, oedolion, a’u teuluoedd a’u gofalwyr.

I gyflawni hyn, rydym yn arwain ar ddatblygu a rheoleiddio’r gweithlu gofal cymdeithasol, gwella gwasanaethau, a data ac ymchwil i wella gofal. Trwy ein gwaith sicrhau ansawdd, rydym yn cefnogi addysgwyr gwaith cymdeithasol mewn lleoliadau addysg ac ymarfer, gan sicrhau'r lefel uchaf o hyfforddiant ar gyfer y genhedlaeth nesaf o weithwyr cymdeithasol.

Bydd y grŵp cyfeirio arbenigol newydd yn gweithredu fel cyfaill beirniadol ar gyfer Gofal Cymdeithasol Cymru, gan ein helpu i wreiddio profiad byw wrth wneud penderfyniadau a chryfhau ein hymrwymiad i ymarfer gwrth-wahaniaethol.

Rydym nawr yn chwilio am Aelodau Grŵp Cyfeirio Cydraddoldeb, Amrywiaeth a Chynhwysiant i ymuno â ni ar sail ymgynghorol.

Rhaid i chi fod wedi'ch lleoli yn y DU i wneud cais am y rôl hon.

Y Rôl

Fel Aelod o’r Grŵp Cyfeirio Cydraddoldeb, Amrywiaeth a Chynhwysiant, byddwch yn helpu i sicrhau bod lleisiau amrywiol a phrofiadau byw sy’n effeithio ar ofal cymdeithasol a’r blynyddoedd cynnar yng Nghymru yn cael eu hadlewyrchu yn y penderfyniadau a wneir o fewn Gofal Cymdeithasol Cymru.

Byddwch yn gweithredu fel cyfaill beirniadol ar gyfer Gofal Cymdeithasol Cymru, gan gynnig cyngor a mewnwelediad ar faterion cydraddoldeb, amrywiaeth a chynhwysiant.

Bydd eich adborth ar bolisïau, prosiectau, ac asesiadau effaith cydraddoldeb yn arwain ein hymagwedd ac yn cryfhau ein hymrwymiad i arfer gwrth-wahaniaethol.

Byddwch yn:

- Mynychu 3-4 cyfarfod ar-lein y flwyddyn
- Cymryd rhan mewn trafodaethau a chydweithio
- Cefnogi ein nodau cydraddoldeb, amrywiaeth a chynhwysiant parhaus

Mi fyddwn yn talu eich cyflogwr am eich amser, felly byddwch yn parhau i gael eich talu ganddynt yn y ffordd arferol. Bydd angen caniatâd eich cyflogwr arnoch i wneud cais am y rôl.

Amdanoch Chi

I gael eich ystyried yn Aelod o Grŵp Cyfeirio Cydraddoldeb, Amrywiaeth a Chynhwysiant, bydd angen y canlynol arnoch:

- Profiad o weithio ym maes gofal cymdeithasol neu'r blynyddoedd cynnar a gofal plant yng Nghymru
- Cofrestru gyda Gofal Cymdeithasol Cymru (os ydych yn gweithio ym maes gofal cymdeithasol)
- Profiad o eiriol dros wrth-wahaniaethu yn eich gwaith neu fywyd personol
- Ymrwymiad i gynhwysiant, parch, a dysgu parhaus

Y dyddiad cau ar gyfer y rôl hon yw 11 Mai 2025.

Gall sefydliadau eraill alw'r rôl hon yn Aelod Grŵp EDI, Cynghorydd Cydraddoldeb, Aelod o'r Grŵp Cyfeirio Cynhwysiant, neu Aelod o'r Panel Cydraddoldeb ac Amrywiaeth.

Gellir gwneud addasiadau rhesymol ar unrhyw gam o’r broses recriwtio ar gyfer ymgeiswyr ag anabledd, nam neu gyflwr iechyd, er enghraifft sy’n niwro-ddargyfeiriol neu sy’n defnyddio Iaith Arwyddion Prydain. Cysylltwch â'r Tîm Adnoddau Dynol i drafod addasiadau ar gyfer unrhyw ran o'r broses.

Felly, os ydych am ddod yn Aelod o'r Grŵp Cyfeirio Cydraddoldeb, Amrywiaeth a Chynhwysiant a dylanwadu ar newid gwirioneddol, gwnewch gais drwy'r botwm a ddangosir. Mae'r swydd wag hon yn cael ei hysbysebu gan Webrecruit. Mae'r gwasanaethau a hysbysebir gan Webrecruit yn rhai Asiantaeth Gyflogaeth.