Prosiect ‘Neuadd i’r dyfodol’ Neuadd Gyhoeddus Trawsfynydd

Swydd Cydlynydd Prosiect Neuadd I’r Dyfodol Trawsfynydd Digwyddiadau a Gweithgareddau

Cyd-destun

Bydd Cronfa Gymunedol y Loteri yn ariannu prosiect ‘Neuadd y Dyfodol’ fel rhan o’i Rhaglen Cymru Gwledig. Amcan craidd y prosiect yw gwella Neuadd Gyhoeddus Trawsfynydd sy'n eiddo i'r gymuned i greu cyfleuster cymunedol modern gydag adnoddau a gweithgareddau pwrpasol. Bydd y neuadd wedi'i hadnewyddu yn gweithredu fel canolbwynt i'r gymuned gyfan.

Pedwar prif nod y prosiect yw:

1. Gwella mynediad i wasanaethau. Gan fynd i'r afael â materion sy'n gysylltiedig â mynediad gwael i wasanaethau, bydd y ganolfan gymunedol yn darparu canolbwynt i asiantaethau allanol ddarparu gwasanaethau i'r gymuned.
2. Lleihau unigedd ymhlith pobl o bob oed drwy greu ystod eang o gyfleoedd i drigolion ddod at ei gilydd i gymdeithasu drwy drefnu gwasanaethau, gweithgareddau a digwyddiadau newydd amrywiol.
3. Gwella'r brif neuadd fel y gellir ei defnyddio'n iawn eto. Bydd hyn yn cynnwys mân waith, megis trwsio rhannau hanfodol o’r neuadd a gwella cyfleusterau.
4. Mynd i'r afael â chyflwr hirdymor diffyg adnoddau, mwynderau a gweithgareddau digonol yn y pentref ar gyfer pobl ifanc.

Cydlynydd Digwyddiadau a Gweithgareddau

Bydd agoriad newydd ar gyfer cydlynydd prosiect hunangyflogedig yn cael ei greu drwy'r prosiect.  Bydd cydlynydd y prosiect yn gyfrifol am redeg y rhaglen o ddydd i ddydd, datblygu prosiectau a gweithgareddau ymgysylltu a hyfforddi.

Bydd y Cydlynydd Digwyddiadau a Gweithgareddau  yn cael ei reoli gan Pwyllgor Neuadd I’r Dyfodol

Mae’r swydd ddisgrifiad i’r rôl allweddol hon wedi ei hamlinellu isod.

SWYDD DDISGRIFIAD

CYDLYNYDD PROSIECT CONTRACT LLAWRYDD - 3 BLYNEDD

Cyflog:

• Blwyddyn 1: £9,360 - 15 awr yr wythnos am 48 wythnos y flwyddyn
• Blwyddyn 2: £10,296 - 15 awr yr wythnos am 48 wythnos y flwyddyn
• Blwyddyn 3: £11,326 - 15 awr yr wythnos am 48 wythnos y flwyddyn

Lleoliad: Prosiect wedi'i leoli yn Neuadd Trawsfynydd/Hyblyg

Yn gyfrifol i: Pwyllgor Neuadd I’r Dyfodol Trawsfynydd.

PWRPAS CYFFREDINOL Y SWYDD

I reoli a chydlynu prosiect ‘Neuadd y Dyfodol’ drwy:

• Ddatblygu a rheoli rhaglen o weithgareddau a digwyddiadau.
• Oruchwylio gweinyddiaeth y gwaith adnewyddu.
• Ymgysylltu â'r gymuned leol ac asiantaethau lleol/gwasanaethau cyhoeddus
• Recriwtio cyfranogwyr a gwirfoddolwyr, i gyflawni nodau ac amcanion a chanlyniadau'r prosiect.

PRIF GYFRIFOLDEBAU

• Yn gyfrifol am weithredu’r prosiect o ddydd i ddydd, gan gynnwys monitro a gwerthuso ac ysgrifennu adroddiad chwarterol.
• Darparu a chydlynu gweithgareddau gweinyddol a gweithrediadau cynhwysfawr i gefnogi'r gwaith o gyflawni'r prosiect yn llwyddiannus.
• Sicrhau bod telerau ac amodau'r grant yn cael eu bodloni.
• Sicrhau bod y rhaglen waith ar gyfer y prosiect yn cael ei chynnal a’i gwireddu i safon uchel.
• Sicrhau cydymffurfiaeth â Rheoliadau Iechyd a Diogelwch.  Sicrhau bod cofnodion iechyd a diogelwch yn cael eu cadw'n ddiogel, gan gynnwys manylion cyswllt brys i gyfranogwyr.
• Sicrhau cydymffurfio gyda rheoliadau casglu a phrosesu data unigolion (GDPR).
• Gweithio gyda'r grŵp llywio i ymgysylltu â chontractwyr lle bo hynny'n briodol a goruchwylio'r gwaith o reoli'r prosiectau gan gynnwys adnewyddu Neuadd Gyhoeddus Trawsfynydd.
• Adeiladu a chynnal perthnasoedd effeithiol, yn fewnol ac yn allanol, gan ddefnyddio diplomyddiaeth a thact.
• I fynychu cyfarfodydd a chyfarch cyfranogwyr y prosiect, defnyddwyr a chefnogi ymgysylltu â'r gymuned.
• I gyflawni pob dyletswydd arall o'r fath a allai o bryd i'w gilydd yn cael eu pennu gan y grŵp llywio.
• Bod yn atebol am gyllideb prosiect i dalu costau rhedeg y prosiect.
• Creu cyfres o weithgareddau a hyfforddiant, gan sicrhau bod yr holl ddigwyddiadau a gweithdai yn hygyrch i bawb lle bo hynny'n bosibl.
• Cydymffurfio â'r holl bolisïau a gweithdrefnau perthnasol.
• Ar gael ar gyfer gwaith penwythnos a gyda'r nos os oes angen.

MANYLEB PERSON

C.V a Llythyr Ymgeisio i Pwyllgor Neuadd I’r Dyfodol Trawsfynydd trwy ebost:

neuaddirdyfodol@googlegroups.com

Dyddiad cau: 10fed Ebrill 2025

Dyddiad dechrau: 1af Mehefin

Am fwy o wybodaeth cysylltwch: neuaddirdyfodol@googlegroups.com