PWRPAS Y SWYDD

Byddwch yn darparu gwasanaeth AD cyffredinol i S4C gan gynnwys, ond heb fod yn gyfyngedig i hyfforddi a datblygu, rheoli absenoldeb, recriwtio, data, polisïau, y gyflogres, a phob agwedd arall sy'n ymwneud ag Adnoddau Dynol a'r Gyflogres.

Byddwch yn cefnogi'r Cyfarwyddwr wrth gynllunio strategaethau a chynlluniau pobl ac yn rheoli cysylltiadau a gweithwyr. Yn creu mentrau ymgysylltu â gweithwyr a pholisïau a gweithdrefnau pobl, byddwch yn defnyddio systemau gwybodaeth Adnoddau Dynol i gasglu data a mewnwelediadau pobl. Byddwch hefyd yn gyfrifol am reoli'r broses ddysgu a datblygu er mwyn sicrhau ei bod yn diwallu anghenion y sefydliad a rheoli y broses recriwtio.

PRIF DDYLETSWYDDAU A CHYFRIFOLDEBAU

Byddwch yn:

• Rheoli cysylltiadau gweithwyr, gan gynnwys datrys anghydfodau, disgyblaethau, cwynion, absenoldeb a diswyddo.
• Gwneud penderfyniadau perthnasol gan ddefnyddio gwybodaeth a sgiliau Adnoddau
• Dynol ac o’r diwydiant.
• Cynghori rheolwyr ar delerau ac amodau cyflogaeth a rhannu gwybodaeth am arfer gorau gyda nhw.
• Datblygu polisïau a gweithdrefnau Adnoddau Dynol i wella perfformiad yn barhaus a lleihau anghydfodau.
• Rheoli'r broses gwerthusiadau o safbwynt Adnoddau Dynol, gan alluogi pob cyflogai i gyfrannu.
• Datblygu a gweithredu cynllun hyfforddi a datblygu yn seiliedig ar anghenion hyfforddi.
• Rhoi cyngor llinell gyntaf ar bolisïau a gweithdrefnau i staff, gan gynnwys rheolwyr.
• Prosesu holl weithgarwch y gyflogres yn fewnol (gan gynnwys ond heb fod yn gyfyngedig i, cyflogeion newydd, goramser, newidiadau cyflog, newid manylion personol, contractau temp) i alluogi darparwr cyflogres allanol i brosesu. Cadw cofnod cywir o newidiadau i'r gyflogres ac ymateb i unrhyw ymholiadau cyflogres.
• Sicrhau bod data a manylion cyflogaeth yn cael eu cadw a’u diweddaru’n gywir, boed ar system gyfrifiadurol neu ar bapur.
• Rhoi cyngor ar strategaethau recriwtio a dethol.
• Cefnogi'r broses recriwtio – gall hyn gynnwys ysgrifennu disgrifiadau swydd a pharatoi cwestiynau cyfweliad a ffurflenni cais ac ati.
• Creu a gweithredu proses ymsefydlu (‘induction’) newydd a chefnogi'r tîm gyda’r
• sesiynau.
• Creu a gweithredu cynllun lles.
• Cefnogi'r broses Rheoli Talent.
• Cefnogi'r aliniad rhwng strategaeth Adnoddau Dynol a nodau busnes.
• Monitro ac adolygu polisïau a phrosesau Adnoddau Dynol yn barhaus a gweithredu newidiadau lle bo angen.
• Cymryd rhan yn y gwaith o weithredu prosiectau, gweithdrefnau a chanllawiau penodol i helpu i gysoni'r gweithlu â nodau strategol y sefydliad.
• Cefnogi prosesau rheoli newid.
• Cefnogi’r Swyddog Adnoddau Dynol.

Byddwch hefyd yn:

• Ymwybodol o strategaeth S4C, a sicrhau eich bod yn cymryd cyfrifoldeb personol i ddilyn ein holl bolisïau a gweithdrefnau yn ôl y gofyn sy’n cynnwys gweithio o fewn canllawiau Iechyd a diogelwch, amrywiaeth a chynhwysiant, gwarchod data, canllawiau ariannol ac yn y blaen.
• Cyfrannu mewn ffordd bositif tuag at ddiwylliant a chyflawni strategaeth S4C.
• Cyfrannu at a chefnogi defnydd o’r Gymraeg yn y gweithle
• Cydweithio gyda’ch rheolwr llinell a bod yn rhagweithiol wrth reoli a datblygu eich perfformiad eich hun.
• Sicrhau eich bod yn gweithio mewn ffordd gadarnhaol, gydweithredol, draws- sefydliadol, sy'n datblygu gwasanaethau gwych i'n gwylwyr ar bob platfform ac yn sicrhau amgylchedd gwaith cadarnhaol, egnïol a chynhwysfawr sy’n trin pawb gyda pharch.

Manyleb Person

Manylion eraill

Lleoliad:    Canolfan S4C yr Egin, Heol y Coleg, Caerfyrddin SA31 3EQ. Rydym hefyd yn gweithredu polisi hybrid.

Cyflog:    O gwmpas £40,000 i £44,000, yn ddibynnol ar lefel cymhwyster a phrofiad.

Cytundeb:    Parhaol

Oriau gwaith:   35.75 yr wythnos. Oherwydd natur y swydd, disgwylir hyblygrwydd, gan gynnwys gweithio tu allan i oriau swyddfa, ar rai penwythnosau a gwyliau banc.

Cyfnod prawf:    6 mis

Gwyliau:    Yn ychwanegol i'r gwyliau banc statudol, bydd gennych hawl i 26 diwrnod o wyliau gyda thâl y flwyddyn.

Pensiwn:    Mae hawl gan staff cyflogedig ymuno â Chynllun Pensiwn Personol Grŵp yn ddarostyngedig i delerau unrhyw gynllun sydd mewn bodolaeth ac a ddiwygiwyd o dro i dro. Os byddwch yn aelod o’r
 
Cynllun Pensiwn Personol Grŵp, bydd S4C yn cyfrannu 10% o’ch cyflog sylfaenol i’r Cynllun. Disgwylir i chi gyfrannu 5%.

Ceisiadau

Dylid anfon ceisiadau erbyn 12.00 ar ddydd Iau 16 Mai 2024 at adnoddau.dynol@s4c.cymru neu Adnoddau Dynol, Canolfan S4C, Yr Egin, Caerfyrddin, SA31 3EQ.

Nid ydym yn derbyn CV.

Ni fydd cais a gyflwynir yn Gymraeg yn cael ei drin yn llai ffafriol na chais a gyflwynir yn Saesneg.

Cyfle Cyfartal ac Amrywiaeth

Nid yw S4C yn caniatáu gwahaniaethu ar sail rhyw, hil, lliw, anabledd, cefndir ethnig neu economaidd-gymdeithasol, oedran, amgylchiadau teuluol, statws priodasol neu bartneriaeth sifil, gweithwyr amser llawn neu ran-amser, crefydd, safbwynt gwleidyddol, cyfeiriadedd rhywiol, ailbennu rhywedd, beichiogrwydd a mamolaeth, defnydd ar iaith (heblaw lle bo’r gallu i gyfathrebu yn Gymraeg yn hanfodol i’r swydd) neu wahaniaeth amherthnasol arall ac mae’n ymroi i weithio gydag amrywiaeth mewn ffordd gadarnhaol.

Mae S4C yn croesawu ac yn annog ceisiadau gan grwpiau o bobl sydd wedi’u tangynrychioli, gan gynnwys grwpiau pobl dduon a lleiafrifoedd ethnig a phobl ag anableddau. Bydd egwyddorion cystadleuaeth deg ac agored yn berthnasol a phenodir ar sail teilyngdod.